Minung hna nih hin kan nunnak ding caah ei le din ding kan herh, asinain ei lo zong in caan saupi chung an rak dam kho ko hi tah. Mah bantuk in a um kho mi cu an tlawm ngai lai tiah ka ruah.
Chattisgard, India Koriya district i Baradiya khua i a um mi nu pakhat Phili Devi ti mi nu hi a phundang ngai mi a si, rawl le ti ding loin lakphah (tea) lawng i rinh buin kum 33 bak a rak um cang ti theih a si.
Phili Devi hi a um nak khua mi hna nih cun Chai Vali Chachi tiin an theih, kum 11 i upa a si hnu in rawl a ei ti lo, rawl le ti ei ti lo in lakphak lawng a rinh cang.
Rawl le ti a kal tak ka ah hin lakphak pin ah changreu le biscuits cu a ei ve tawn, asinain a hnu ah tlawmpal tlawmpal in changreu le biscuits cu a kal tak than. Changreu le biscuits a kal tak hnu cun lakphak lawng rawl ah a rinh cang.
Koriya district hospital Dr.S.K Gupta nih cun lakphak lawng i rinh buin Phili Devi dam khawh mi cu thil si kho lo mi a si tiah a chim ve, Ni 9 hrawng cu a rinh kho men, asinain kum 33 chung cu thil si kho lo bak a si tiah a chim ve.
Leave a Reply