Magwe Airbase Bomb Puahnak Ah Raltuknak Vanlawng 4 A rawk

Kan hnu August 8 ah Magwe ralhrangbu vanlawng ralkap sakhan bomb puahnak ah raltuknak vanlawng 6 a khen i, vanlawng 4 cu hman awk tlak lo in a rawk tiah min langhter a duh lo mi Magwe khuami pakhat nih RFA sin ah a chim.

Bomb hi Magwe Kanpia lam ah a um mi vanlawng ralkap sakhan hriamnam chiah nak hmun ah August 8 zinglei suimilam 4 hrawng ah voi 2 a puak mi a si.

Bomb a puah hnu August 10 ah ralhrangbu vanlawng ralkap bawizik Gen. Maung Maung Kyaw nih zohfelnak a rak ngei hnuah runvennak zong a hlan nak in an strict deuh ngai tiah theih a si.

Bomb a puah tu hna hi Bitano mipi ralkap le hawikom bu hna nih 8888 kum 33 tlinnak camtuak ah kan thisen a dai rih lo ti langhternak caah kan puah mi a si tiah cathanh an chuah.

Vanlawng a rawk mi kong he pehtlaih in ralhrangbu information deputy minister General Zaw Min Tun cu RFA nih phone kan call nain a tlai lo tiah RFA nih a tial

The Chin Post