Yangon Hlaingtaya peng Yangon-Pathein lamthluan traffic light ah nizaan October 1 zinglei ah a cangmi kahdohnak

Yangon Hlaingtaya peng Yangon-Pathein lamthluan traffic light ah nizaan October 1 zinglei ah a cangmi kahdohnak chungah ralhrang phu lei in minung pahnih an thi, minung pali nak tlawmlo nih hliam an tuar tiah Hlaingtaya khuachung vengtu phu (HTY) nih nihin ah cathanh an chuah.

Cu kahdohnak ah HTY le Myanmar defense force (Yangon) phukomh nih dohmi a si, kahdohnak chungah ralhrang phu bawmh ding in a ra mi ralhrang phu hna zong bomb puahhnawh in doh an si. Kahdohnak chungah CGF(HTY) le MDF(Ygn) phu chungin hliamtuar umlo in hnu an tolh tiah theih a si. Khit Thit Media

Magway ramthen Yesakyao peng ah mizei hmanh ka tih hna lo, keimah pumpak nih khuabawi ka tuan lai tiah a tler hrotu khuabawi thar U San Lyin cu nizaan ah meithal in thah a tong. A luancia thlakhat hrawngah Yesakyao peng Tharse khuakomh khuabawi U Ngian San rian a chuah hnu ah U San Lyin nih khuabawi ka tuan lai tiah khuachungah ah a au hnu ah October ni 1 ah meithal kah in thah a tonnak hi a si.

“Yesakyao peng Tharse khuakomh palik sin thawng petu,khuabawi thar U San Lyin cun fimhlawm in hmalak nak kan tuah” tiah Yesakyao PDF phu hna nih October ni 1 zaanlei ah cathanh an chuah. Yesakyao peng chung khuabawi dihlak nih September 30 tiang hnu bik chia in rianngol ding ah Yesakyao PDF nih ralrinnak pek an si, cu ralrinnak nawl a zullo mi cu ralrinnak pek chap si ti lo in doh in hlohthlau an si lai tiah an rak langhter.

Cun Yesakyao peng ah nizaan October 1, chunhnu suimilam 2:39 hrawngah khualuhnak gate a checkhlat dingah a kalmi ralhrang phu hna cu bomb puahhnawh an ton caah tat-kyat-gyi pakhat a thi, minung pali nih hliam an tuar tiah Yesakyao PDF nih nizaan cathanh ah an langhter chih. Mizzima