Kaya ramkulh, Loilyinlay (လြိဳင္လင္ေလး)peng Dawtahay(ေဒါတေဟး) khuapawng ah August 29 zaanlei ah a cang mi kahdohnak chungah ralhrang phu lei in a tlawmbik minung 7 an thi tiah kahdohnak ah a tel mi KNDF chungtel pakhat nih DVB ah a chim.
Loilyinlay (လြိဳင္လင္ေလး)peng, Dawtahay (ေဒါတေဟး) khuapawng ah nizaan zaanlei suimilam 5:00 hrawng in ralhrang phu hna le Kayinni ralkap (KA),(KNDF) fonh in kaphnih kar kahdohnak a chuak than.
Ralhrang phu lei in August 28ni kahdohnak ah hliamhma a tuar mi an chungtel hna bawmhchanh ding rat in kahdohnak lam ah Kayinni phu fonh nih dohthan a si tiah KNDF chungtel pakhat nih a chim.
“Hliamhma tuar mi tampi an si, hliam a tuar mi hna bawmhding in an rat a si lai,bawmhchanh pah in raltuk nak he an rat si lai, an bawmhchanh hna ding minung hna cu kanmah nih kan kawl/dawi hna.Kan dawi hna nak in kahdohnak a chuak.Kahdohnak cu suimilam 5:6 minutes grawng in thok a si i, suimilam 5:45hrawng ah kan ngol. Anmah lei in a thi mi an um na in vedio kan thlak mi a um lo, a thi mi hna pawng ah kal in an meithal kan lak.Ni zan ah khan a thi mi an tam,7 hrawng cu an si lai, a thi mi hna ruak cu an lak, kan mah nih kan fimmi hna hi ruak 4 a si”
A thi mi hna ralhrang phu chungin tat-kyat zong an i tel, August 28 le 29 nihnih chungah ralhrang phu sin in meithal-4, kuan-1000 leng,RPG hriamngan-2,78hriamngan kuan-20 leng lak a si.
A luancia nihnih chung kahdohnak cu ralhrang phu hna nih hmunhma lonh in checkhlatnak pehtlai in an tuah caah i runven in kahdohnak a chuah hi a si tiah a chim.
Loilyinlay (လြိဳင္လင္ေလး) khua le a pawnghrawng khua hna ah ralhrang phu hna kahdohnak ruangah August thla chungah atu le tu kahdohnak a chuah caah, cu ka hmun khuapawng hrawng in mipi hna cu an zaam.
The Chin Post
Leave a Reply