Live in CNF/CNA si hna seh CDF si hna seh pumpak in biaruahnak kan ngei hna, thiltha kantuah kan ti rualrual in kantuah mi thiltha nih thiltha lo a hrinchih sual lai t

Kan i ralring taktak Atu lio ah a lamkip in kan dothlennak lohma a kal khawhnak ding caah live in CNF/CNA si hna seh CDF si hna seh pumpak in biaruahnak kan ngei hna, thiltha kantuah kan ti rualrual in kantuah mi thiltha nih thiltha lo a hrinchih sual lai ti hi kan zohchih peng a biapi taktak,(1) biahal mi hna hi an mah lungtlingnak kan lak ma sa aherh (2) ah mibu caah ttih a nungmi chim lo ding na caah ttih a nungmi na chungkhar caah ttih a nungmi chim lo ding ti chimta a herh

3) ah Miphun caah tthencheunak biafang chim lo ding, ti in bia kan i ruah ma sa,, an mah nih ka cah ttih awk a um lo chungkhar caah ttih awk a um lo a ti mi hna lawng hi biahalnak kantuah hna awk a si, cu caah pumpak duhthimnak a si i biahal tu nih hal mi biapoh zong biahal mi hna nih nan leh duh lo cun nan mah duhthimnak a si ti zong bia kan i ruah lai ah kan i chimchih hna a herh fawn,cu caah hmaiah kal in kan miphun caah thilttha a chuahpi ding thil cu ralring te in kan ttuan kan kalpi a herh chin lengmang ko. Crredit _ Lal Siammawi

Breaking News: Hakha ah meithal voi tam nawn a puak! Chin ramkulh khualipi Hakha ah Sept 4, tuzan 11:00-11:45 pm hrawng tiang meithlai tam nawn a puak. A puahnak hmun hi an chimning aa dang cio. Cheukhat nih meithat zunglei ah an ti, cheukhat nih Economic bank hrawngah an ti, cheukhat nih suhpawng zung pawngah an ti. Hmunkhat lawngah si loin hmun hnihthum ah a puak, tiah zumh a si.

Min langhter a duh lomi pakhat nih cun “Meithal thawng cu a thang taktak, a tlerh bak in a kan tlerh dih” tiah a chim. Cheukhat nih ralhrang anmah le anmah an i kap tiah an chim, cheukhat nih an i hrocermi a si lai an ti ve. The Chin Post nih cuticun a si tiah fehter khawhmi kan ngei rih lo. Meithal nih cun minung umnak inn zong a khen len i kuanfang zong inn chungah a tla tiah theih a si. Hakha khuachung ummi vialte lungretheih le thinphang in an um. Thlacamnak in bawm cio hna usih. The Chin Post

Afghan ralzaam 50,000 cohlan ding US aa timtuah America ah ralzaam dornak hmun 8 an tuah i Afghanistan rammi (Afghan) ralzaam minung 50,000 tiang cohlan an i timhnak kong US Chaklei Ralkap Zung (Nothern Command) nih September 3 ah an thanh. Nihin tiang ah Afghanistan ram in minung 25,600 cu America ram an phan cang i hi hna chung ah La-Wa-Ka special visa in siseh, ramkheel ralzaam dornak (refugee) a sok mi hna tiin an phan cio.

Hi hna lak ah tam deuh cu America an phanh hlan, Middle East le Europe ram hrawng ah fel tein chekhlatnak tuah cang mi an si hna. Hi ralzaam dornak ah hin cheukhat cu chungkhar in an chiah hna i minung pakhat lawng a si mi hna cu nu a dangte le pa a dangte tiin hmunhma an pek hna i ngakchia pawl cu ngandamnak zung pakhat nih an tawlrel hna i an zohkhenh hna tiah Military Times nih a langhter. The Hakha Times

Be the first to comment

Leave a Reply

Your email address will not be published.


*