Lian na kawi kha na rak dong ko lo ma?
==========================
Lian na kawi kha na rak dong ko lo ma? Bia sawng hna nan tlorh len cang ko lo ma? Nan bia saduh thah hna nan ii ruah len cang ko lo ma? Na kawi kha na rak fak len ko lo ma ka kawi pasal tha kan uan tuk ee tiah na rak chim that len cang ko lo ma?
Nan nih cu nan ii nuam tuk cang ko lo ma?
Lungre theih le har sak nak a um ti lo nak hmun ah nan hna ngam tuk cang ko lo ma? Nain mu nan tantak mi kan nih tu nih cun kan in ngaih nak hna le kan in hlam nak hna lawng nikhat nu nikhat kan chim rih ko le ee. Zei tik tiang ko hen nan zuun hi kan tuar rih le Pasal tha hna aww. Nan rau thla tel cun rak kan leng ton Ulaw. Rak kan veh pah ko u muh. Crd-Mery
A Dihdongh Tiang SAC Ralhrang Dohnak ah Pum Kaa Pe Lai, Hakha peng chung kahdohnak ah hliamhma a pumi Salai Siang Lian Thang nih hliamhma a put ko zong ah a dihdongh tiang in SAC ralhrang dohnak ah kaa tel lai, tiah fek tein a chim. Aluancia November 2021 ah khan Hakha peng, Khuabe pawng ah kahdohnak a rak chuak i CDF-Hakha ralkap Salai Siang Lian Thang hi hliamhma a rak pu.
“Khuabe kahdohnak a dih hnu ah hmunhma vehvatnak kan tuah i ralkap nih an hmanhmi bomb kaa lamh sual caah mahti hin ka orhlei kee ah hliamhma ka pu,” tiah a chim. Salai Siang Lian Thang hi atu ah cun a hliamhma a dam cang nain ahlan bantuk in a kee a ttha kho ti lo. Sihmanhsehlaw, SAC ralhrang dohnak ah a dihdongh tiang in kaa tel lai, tiah lungthlehnak a ngei.
“Dohthlennak a dih hlanlo chung paoh cu ka ttuan khawh chung in kaa zuam rih ko lai. Keimah bantuk in hma a tuarmi hna zong nih an ttuan khawh tawk cio, kan ttuan khawh tawk cio, kut a ngei ti lomi hna zong nih hmurka in maw an ttuan khawh tawk cio kha rak ttuan ve hna sehlaw tiah forhfialnak a ngei ko hna,” tiah a chim. Salai Siang Lian Thang le a chungkhar hna zong kan hnu kum thawk khan himnak hmun ah an phan dih cang hna, tiah thawngpang kan theih.
Monywa-Mandalay Lampi Ah SAC Motor Nih Tualchung Mi Pakhat A Pah I, A Zaam Nain PDF Nih Motor Cu An Hrawh! Sagaing ramṭhen, Monywa-Mandalay lampi ah tualchung mi pakhat cu motor pakhat nih a suk hnu ah, motor cu a zaam i, tualchung hriamtlai phu nih an dawi i an tlaih. Cu motor a zaam mi cu SAC ralkap motor a rak si i, a chung cuangmi minung an zaam caah motor cu mei in an khangh, tiah tualchung hriamtlai phufonh nih cathanh an chuah.
August 22, chunhnu suimilam 1:30 hrawng ah Monywa-Ayardaw lampi Ayardaw in Monywa lei ah a kalmi YGN 3F 3240 motor cu ralring lo ngai in an khalh caah Kanpyu(ကမ်းပြူ) khuami kum 40 tluk nu pakhat cu an pah, tiah theih a si. Cu motor nih cun an pahmi nu cu zoh lo in an zaam tak caah tualchung mi nih pengkulh tualchung hriamtlai phu sin ah thawng an thanh i, hriamtlai phu lei nih ṭuanvo laak in motor cu an dawi.
Cu motor cu SAC ralkap motor a si i, tualchung hriamtlai phu nih Watan(ဝါးတန်း) khua le Htu(ထူး) khua kar ah an hmuh, motor chung cuangmi SAC ralkap hna le tualchung hriamtlai phu kar hmaitonh kahdohnak a chuak i, tualchung hriamtlai phu lei cu an kuan a dih caah hnu kan tolh, tiah hriamtlai phufonh nih cun an chim.
Cu hnu ah SAC ralkap hna nih cun an i citmi motir cu chiah ta in, lam i aa chawk mi motor cu an dirter hna i, midang motor ah cun an cuang ve, tiah an chimchap. An kaltakmi motor chung thilri hna cu an lak i, motor cu mei in an khangh, tiah tualchung hriamtlai phufonh nih an chim. Cu thilcang cu Muminta(မိုင်းမင်းသား) UG pah-kah-phah, Danger Force LPD, Patamyia Ngyinaung(ပတ္တမြား ညီနောင်) pah-kah-phah, ATM pah-kah-phah phufonh nih an tawlrel, tiah theih a si.
Paletwa Ah Ralzaam Chungkhar 200 Leng In An Karh! Chin ramkulh, Paletwa pengchung ah Rakhine ralkap AA le SAC ralkap kar kahdohnak a chuah ruang ah Abaungta(အဘောင်သား), Yimawah(ရီးမဝ) le Tungmawah(တုံးမဝ) khuami hna cu khuapi chung ah nihin August 25 ah chungkhar 200 renglo an i dor hna, tiah Paletwa ralzaam umnak camp in ṭuanvo ngeitu pakhat nih a chim.
Cu khuami hna cu a luancia August 23 ah an umnak khua in an chuak i, khuachung Biakinn le phungki sianginn ah caan karlak an i dor chung, tiah theih a si. Ralzaam dirhmun in a ummi hna caah, bawmhchanh an herh ngai, tiah tualchung mi hna nih an chim. Paletwa khuachung ah ralzaam camp 5 a um i, ralzaam dirhmun a phan mi minung 5000 leng an um, tiah theih a si.
2021, SAC ralkap nih nawlngeihnak a lak hnu in buainak le humhimnak a umlo caah rampumpi huap in, mah umnak hmun kaltak in ralzaam dirhmun a phanmi minung 866,000 an um cang i, cu hlan ah ralzaam 346,000 an rak um cia caah Myanmar ramchung huap in ralzaam dirhmun a phanmi dihlak hi nuai 1.2 leng an si, tiah UNOCHA nih a luancia August 3 ah cathanh an rak chuah.
Thantaung Khua Um SAC Ralkap Cu Thantaung PDF Nih An Kah Hna Caah Ralkap 11 An Thi Karen ramkulh, Thantaung khua ah umhmun khuarmi SAC ralkap pawl cu Thantaung PDF nih August 15 in 24 tiang ah voi 5 kan kah hna caah SAC ralkap 11 an thi, 4 hliamhma faak an pu, tiah Thantaung PDF nih cathanh an chuah.
August 15 zing sml 8:30 hrawng ah Thataung khua luhnak check gate ah umhmun khuarmi SAC ralkap pawl cu, sniper in Thantaung PDF nih an kah hna caah ralkap 5 an thi. Zing sml 9:10 ah SAC kuttang Administration zung zong hriamngan in an rak khah, tiah theih a si.
August 16 zing sml 9:30 hrawng ah Thantaung khua SAC ralkap sakhan cu, sinper in kan kah ṭhan caah ralkap 2 an thi.
August 23 zing sml 9:30 hrawng ah Thantaung Administration zung cu kan kah ṭhan i, SAC ralkap 1 a thi, tiah Thantaung PDF nih an langhter. Nizan August 24 zanlei ah aa chawkmi SAC ralkap pawl cu Thantaung PDF nih an kah hna caah ralkap 3 an thi i, 4 hliamhma an pu. Cuti an kah mi hna cu August 1 lio ah Thantaung PDF ralkap 1 a thimi lehrulhnak ca ah a si, tiah PDF chubgtel hna nih an chim.
Kalay Peng Thanhpo Khua Pawng Ah Kahdohnak Pehtlai In A Chuak, Sagaing ramṭhen, Kalay peng thlanglei, Yangyi Aung(ရန်ကြီးအောင်) khua ah umhmun khuarmi SAC ralkap pawl cu, Auguat 23 zanlei ah Yangyi Aung khua le Thanhpo(သံဖို) khua kar an kal lio ah CDF-KKG nih an kah hna caah SAC ralkap bohnih pa a thi, tiah Chinland Defense Force-KKG nih nihin August 25 ah cathanh an chuah.
Nizan August 24 ah SAC ralkap 15 hrawng cu, Yangyi Aung sakhan ah Helicopter nih a chiah hna i, nihin August 25 ah Thanhpo khua cu hriamngan in an kah. Thanhpo khuami hna cu an dihlak nawn in an zaam, tiah theih a si.A luancia August 2 ah SAC ralkap 200 leng cu Kalay Technological University in Kalay peng thlanglei i rallam an sial lioah PDF Kalay Battalion 1, 2, 5, 6, CNDF, CDF (KKG) le RKDF ṭangrual hna nih,Tharyarkone (သာယာကုန်) khua pawng ah an rak kah hna i, SAC ralkap 10 hrawng an rak thi.
SAC Kuttang Siang Cachimtu 90 Leng Min Cazin Cu Mindat Peng Mizapi Uknak Phu Nih An Langhter, Chin ramkulh, Mindat khuachung ah SAC kuttang sianginn cachimtu 90 leng cu SAC lei ṭang in rian an ṭuan caah miphun leirawitu an si. Cu hna min cazin cu mizapi nih hmuh khawh ding in kan langhter, tiah Mindat peng mizapi uknak phu nih nizan August 24 ah cathanh an chuah.
A luancia August 20 ah Mindat peng mizapi uknak phu, CDF Mindat fimcawnnak board le MUSU phu tonpumh hnatlaknak ning in Mindat khua chung um No.1, No.3 sianginn le siangsangrun ṭhen(branch) sianginn ah cachimtu 90 cu miphun leirawitu an si, tiah theihternak an tuah. Mindat peng chung ah SAC lei ṭang in miphun leirawi zung rianṭuantu hna an min kan langhter chap lai, tiah Mindat peng mizapi uknak phu nih cun cathanh an chuah.
Leave a Reply