Laykaykaw kahdohnak ah ralhraang lei a thi mi le hma pu an tam hnu in ralhraang nih hnu kirthan nakding KNLA sin ah an hal, December 15, 2021 Laykaykaw ah ralhraang le KNLA kar kahdohnak ah ralhraang lei a thi mi le hliamtuar an tam hnu in ralhraang nih hnu kir than kan duh ti in KNLA an nawl hna tiah KNLA naihniam sin in theih a si.
Myawaddy peng, Laykaykaw khuathar ah a um mi KNLA camp cu Council ralhraang phu nih December 15 zing suimilaam 11:00 in hriamnam ngan in an kah hna ca ah kaphnih kahdohnak a chuak. Kahdohnak hmun i a um mi tualchung mi chimnak ah cun, ralhraang lei 10 nak tlawm lo an thi i an ruak phurhnak ah khuami motor zong an lak tiah kan theih. Ref. The Irrawaddy
Mizoram MP Pu K. Vanlalvena (Rajya Sabha MP) nih nizan December 14, khuasik caan Parliament biaceihnak ah Mizoram ralzam kong a chim. Pu K. Vanlalvena nih cun Mizoram hmunkip ah ralzam 15,000 hrawng an um cang kong a chim. “Myanmar ralkap nih tukum February thla thawk in nawlngeihnak an laak caah an ram mi tampi cu Mizoram ah an rak zaam hna.
Ralzam hi Mizoram hmunkip ah an i thek hna i, ralzam 15,000 hrawng an um cang. A cheukhat cu an chungkhat sin ah an um, cheukhat inn an hlang, cheukhat Mizoram cozah le mibu sak mi camp ah an um. Central cozah bawmhnak tel lo in Mizoram cozah, biaknak bu, NGO le mi pumpak bawmhnak in thla 11 an um cang,
An herhhai mi pohpoh pek an si leng ah ngakchia sianginn kainak tiang in tuaktan piak an si,” tiah a chim. “India ram cu Vawleicung democracy ram ngan bik pakhat a si caah Myanmar ram i democracy duhtu mipi bawmhchanh cu a rian pakhat a si,” tiah a chim chap
Leave a Reply