Laitlangah Hriamtlai Thazang An chap

Chinram ah SAC palek 200 renglo le Sagaing ah 100 reng lo thazaang an chap, September 11, Kahdohnak pehtlai in a hung cannak Sagaing Ramthen le Chin Ramkulh chung ah SAC phu nih palek 350 thazaang an chap tiah thialkaamnak nawlchuah mi ca in theih khawh a si.

Atu Chinram le Sagaing ah vun thialkaam mi hna hi Bago Ramthen le Mon Ramkulh ah palek le Motor PK (Traffic Police) a tuan lio mi an si i motor PK cheukhat cu Palek ah siseh ramri hngak (BGF) ah siseh rian an thial hna, tiah theih a si. Hi rak thial mi hna lak ah minung 200 renglo cu Chin Ramkulh palek le BGF ah chiah an si lai, tiah Chindwin Times nih a langhte. The Hakha Times

Thinpun khua pawng kahdohnak ah ralhrang minung 15 an thi minung 12 hliam Mandalay ramthen, Muingyin myo , Thinpun khua lei ah nizan september 9 zan ah ralhrang hna cu Zero hna nih an kah hna i ralhrang 15 an thi, 12 an hliam tiah Zero ralkap phu nih an thanh. Thinpun khua lei in Tipin khua lei ah ralhrang hna mawtaw,

Saikal in an rat cu thawng kan theih i an kir lei ah kan bawh hna i kan kah hna tiah an thanh. Mah kahdohnak ah kanmah lei in a hliam mi kan um lo .Zero ralkap phu cu Myingyin hmunhma chung ah ralhrang hna he tu le tu kahdohnak chung ah a tel mi phu an si i a voikhatnak bik dirh mi phu a si. Khit Thit Media

Spain Recreation Center pawng ah ram mei a kang minung 1000 leng an um nak in an i thial.11 September, 2021 Spain ram tlanglei um a min thang ngai mi Recreation Center pakhat pawng ah ram mei cu hmih khawh an i zuam ko nain September 10 ah a hlan ban tuk a si lo mi thli chia a hran caah le thal dongh lei a linh tuk lio a si ruang ah,.

Dawntu a si i minung 1000 leng cu an um inn in hramhram in an chuah ter hna i ruah lo piin a hung chuak mi thil ah riantuan tu pakhat a nunnak a liam. September 8 thok in ram mei kangh a thok i British khualtlang hna he pengson la cang mi hna nih an uar ngai mi Estepona Recreation Centre i a cung lei Sierra Bermeja Hector 3600 hrawng a kang.

Nawl ngei tu hna nih rammei hmih khawh nak caah vanlawng 2 le Kamov Helicopter pakhat a fial than hna i Vanlawng 69 tiang rian a khinh cang hna tiah khuachung in meithat phu chung chim nak nawl ngei tu pakhat nih chim. Asinain mei cu a alh tuk caah September 11 tiang cu hmih kho ding dirhmun asi lo.

Mei hi kangh hramhram mi hna a lo i thilhlat tu hna nih cun a tuah tu cu dik thiar te in langh ter ding ah kan i zuam ko tiah pawngkam zoh khenh tu lutlai Carmen Cross Po nih achim. Mah mei kangh nak ruang ah Estepona um veng 4 cu minung 1000 leng an si i Bebahavis in pakhat hna cu a him nak hmun ah kan thil hna hnu ah September 9 zan ah kum 44 a si mi meithat tu pakhat a nunnak a liam tiah achim. DVB, The Chin Post

Be the first to comment

Leave a Reply

Your email address will not be published.


*