LADC, MNF Cozah Cu Zumhtlak Lo Cawlcanghnak Hmang In Hrawh A Si

Nihin August 26 Lai Autonomous District Council (LADC) session ah Central Executive Member (CEM) Pu Mang Hmung Cinzah hruaimi LADC, MNF cozah cu no confidence motion hmang in hrawh a si.

LADC cozah cungah zumhlonak motion hi LADC member 4 nih an luh pi mi a si i, chairman Pu V. Zirsanga hruainak tangah ceih a si hnuah member hna nih kut thlir in biachahnak tuah a si.

MNF member 4 nih cozah zumhlonak motion an luh pi mi kongah transperancy cozah kan hnabeisei mi cu hmuh ding a um lo pin ah rian le covo pek kongah member hna covo a rual lo tiah an ti.

Member 12 nih motion hi an tanpi i, member 10 nih motion hi an pom lo. Congress member Pu C. Lalmuanthanga cu a karlak ah a um.

Cucaah, Chairam Pu V. Zirsanga nih LADC Executive Committee cu zumhlonak motion a paltlang khawh lo ruangah CEM Pu Mang Hmung Cinzah hruaimi LADC cozah cu a kal kho ti lo tiah a thanh.

CEM in thumh mi Pu Mang Hmung Cinzah hi nikum December 14 ah khan CEM ah lak a si i, mah hnu December 22 ah khan executive member ah lak a si than i, LADC i MNF cozah thla 9 in a upat mi cu nihin ah hrawh a si.

LADC thimnak 2020 December thla ngeih mi ah thutnak 25 ah MNF nih 20 an lak i, independent in 3 an tling i, BJP le Congress nih thutnak pakhat veve an lak.

The Chin Post

Be the first to comment

Leave a Reply

Your email address will not be published.


*