Kyaikmaraw Ah Khua 8 Leng Ti Nih A Phum Cang,Mipi Sii le Dinti Rianrangin An Herh

Kyaikmaraw Ah Khua 8 Leng Ti Nih A Phum Cang,Mipi Sii le Dinti Rianrangin An Herh Mon ramkulh Kyaikmaraw peng ti lian nih khua 8 leng a phum cang.Mipi caah dinti le sii rianrang in a herh tiah theih a si.

Kyaikmaraw peng Ule, Nituh, Ngapyema, Pha-bong khua telin khua 8 leng cu ti nih a phum cang.Cheukhat khua hna cu Lockdown an si caah sii, dinti le ORS hna an herh tiah bawmhchantu phu rian ngeitu pakhat nih a chim.

Kyaikmaraw ti lianh ruangah inn 400 hrawng cu hmunhimnak lei ah thial an si cang nain mah hna caah bawmhnak a herh ngai.Kyaikmaraw khuapi chung veng cheukhat zong ti nih a phum caah mipi hna cu khuapi chung high school ah bawmhchantu phu hna nih an chiah chung rih hna tiah theih a si.

July 26 in Mon ramkulh chungah ruah tamtuk a sur caah Bilu tikulh le Mawlamyiang, Thanphyuzarat le Yei khuapi hna cu ti a phum. Vawlei a cimb caah, Komraik khua ah inn 7 vawlei nih a cimh chih, minung pakhat nunnak liam.

The Chin Post