A kee A Tha Lomi Biakinn Chungah Kutdawh Hal In A Luh Mi A Kee Tha Lo Mi Pa Cu Pathian Nih Damnak A Peek E, A Tangbik Ah Video A Um Lai ( A dih deng rak rel hrimhrim)
Hoidawt dawtmi mi u le nau hna , dam loin a um mi na si zongah na thinphang hlah seh, A kan sertu kan biakmi kan Pathian panhko. A mah nih zeizong vialte a tuah kho i, an dam ter ko lai. A mah panh ko. Na thinlung dihlak in a mah cu panh ko. Chungkhar tlamtling lo ruangah thiphan le ngaihchuiat in a um mi nan um maw, Na nuamh lo nak le na ngaichaitnak vialte cu na thinlung dihlak in kan Biakmi Pathian sinah thla caam ko, nuamnak, lomhnak chungkhar nuamnak an peek ko lai.
Na thinlung dihlaak in a mah cu zum ko. Vawlei thluachuah le van thluachuah an peek lai i tasa in ruum nak an peek ko lai. A mah cu panh ko, lungretheih vansang au in an chia lai lo. Lomhnak nuamhnak tling an peek lai. A mah sinah thlacaam dai thlang hla, na duh herh mi chim ko, man lo in an peek ko lai.
Pathian Bia Cu Nunnak Asi, Voikhat cu ka hawipa inn ah ka va leng i a basement ah exercise tuahnak seh (treadmill) ngan pi ka hmuh. Ka hmuh bak in ka chim colh mi cu, “Ziah kawi? Mah ti hin cun na fit tuk lai ee” ka ti. Thla 3 hnu ah cu ka hawipa a pumrua ka zoh tikah aa dannak pakhat hmanh ka hmu kho lo i, “Ziah na treadmill cu san a tlai tuk rua lo ee kawi?” ka van ti. A ka lehmi cu, “Hmang ning law cu santlai ko hnga, ka hman lo caah asi” ati. Cu nih cun khua tampi a ka ruahter. Zeithil paoh hi santlaihnak an ngei sihmanhseh law kan hman lo asi lo le a hman zia kan thiam lo ahcun a santlaihnak a lang kho lo.
Zeiruangdah mah hi ka chim kan ti asi ahcun Pathian Bia hi thawnnak (power) a ngei; zumtu kan caah nunnak bak asi (Matthai 4:4) sihmanhseh law voi tampi cu a thawnnak hi kan hmu le kan tep kho lo. Zeiruangdah asi hnga? Zeitin dah kan nunnak cio ah Pathian Bia hmual a langh khawh lai? Caan sau ngai ka lung chung a um mi asi caah sau nawn in ka vun tial lai i lungsau te’n nan ka rel piak dingin kan nawl hna. Thlarau lei kar nan hlannak ah bawmtu asi lai ti zumhnak ka ngei.
1. Pathian Bia ngeih lawng a za lo, rel a herh. It is not enough to own a Bible, but you must read it., Khrihfabu chung i chungtel asi mi, zumtu aa timi paoh cu Bible kan ngei dih lai ka zumh. Zumtu aa ti ko nain Bible a ngei lo mi hi cu kan zumhnak kan i check than a herh ko. Zumtu asi mi nih Bible ngeih loin nun kan i timh mi hi cu a ngah lo mi thil asi, inzin (engine) loin mawtawca mawngh he aa lo. Bible a ngei rih lo mi kan um sual ahcun a rannak in caw cio hna usih. Khrihfabu hmanh nih Bible a ngei lo mi cu a lak in kan i thenh awk asi. Hi kong hi cu tam ka chim duh mi asi lo sihmanhseh law Bible a ngei rih lo mi caah ka van telh ta. Zeiruangah dah Bible kan rel a herh?
“Sihmanhsehlaw nan lungthin chungin Khrih kha upat u law nan Bawi ah ser u. Ruahchannak nan ngeihmi kong kha, kan chim tuah u, an timi hna an um ahcun, zeitik caan paoh i chim kho dingin timhcia tein um zungzal u.” – 1 Peter 3:15
Peter nih kan i ruahchannak kong biahalnak kan ton tikah kan i ruahchanmi le kan i ruahchannak a ruang chim kho dingin timhcia tein kan um awk asi, ti hi zumtu sinah a chim. Greek holh in cun apologia ti asi i, a sullam cu zeitik caan paoh ah kan zumhnak kan dirkamh le kan fianter khawh ding hi asi. Cu kan zumhnak kan fianter khawh nak hnga kanmah hrimhrim kan i fian hmasat a herh. Cu fiannak cu Pathian Bia kan relnak in a ra.
Kan biakmi Pathian hi zeibantuk Pathian dah asi? A sining (attributes) hi zeidah an si? Zeidah a duh le a duh lo mi thil an si? Zeiruangah dah kan biak? Zeidah bia a kan kamh mi an si? Zeiruang ah dah kan i ruahchan?
Hi bantuk biahalnak te hna hi Bible kan rel lawngah hngalh khawh an si. Thawngtha kan ngeihnak zong nih tampi a kan bawmh lai. Thawngtha hi tampi kan ngeih awk asi sihmanhseh law kan i ralrin ding cu thawngttha chimtu pawl an bia aa kalh caan a um tawn. Cu tikah kanmah tein a Bia kan rel lo ahcun i vaivuanh a fawi te. Kan i vaivuanh nak a ruang cu kanmah mit bak in kan rel le kan tuak ve lo caah asi. Pathian Bia cu a thuk tuk caah hmailei zongah thanwgttha chimtu an bia aa kalh caan a um ko lai sihmanhseh law nangmah pumpak bak in a Bia chung ah na zumhnak naa bunh ve ahcun na vaivuan ti lai lo.
Bible chungah hin Pathian kong, minung kong, sualnak kong, khamhnak kong, Khrihfa nunnak kong le adang kan theih herhmi vialte a tling dih. Cu vialte kan van hngalh tikah hin Pathian zeitluk in dah a lianngan le minung nih zeitluk in dah Bawipa kan herh ti hi a kan fianter chin. Cu nih cun Bawipa a kan bochan ter i, kan thlarau nunnak a than ter. Na zumhnak kong, naa ruahchannak kong timhcia tein na dirkamh le na fianter khawh ding hi a herh. Cucu a Bia relnak in aa thawk. “Nanmah le nanmah kha ṭha tein i hneksak tuah u: zumhnak nunning khan a nungmi nan si maw? I hneksak tuah u.” – 2 Korin 13:5a
Paul nih Korin khua zumtu hna sinah a chim mi cu ‘nan zumhnak i hneksak uh’ ti hi asi. “Bawipa duhning in nan nung maw? Nan kalnak lam hi a hman mi lam asi maw?”, tihi anmah le mah a hal ter hna. Kannih zong kan thlarau nunnak hi a hman mi lam a kal maw kan i hneksak zungzal a herh. Mawtaw kan mawng i kan phak bel lo nak hmun kan kal tikah kan tlau le tlau lo hngalhnak ding caah GPS kan hmang. Na zumhnak hi a hman le hman lo, zumhnak ah na tlau le tlau lo hngalhnak ding caah Pathian Bia hi kan GPS asi. Salm 119:105 ah kan hmuhmi cu Pathian Bia hi kan lam caah ceunak asi i lam a kan hmusaktu asi. Cucaah zeitin dah kan zumhnak hi kan i hneksak lai kan ti asi ahcun, a Bia relnak in asi. Na kalnak lam na hngal maw? Na tlau le tlau lo teh naa hngal maw? A Bia relnak in hngalh khawh asi.
2. Pathian Bia rel lawng a za lo, zumh a herh. It is not enough to read the Bible, you must believe it. Voi tampi cu Pathian Bia kan rel ko nain lungawtawm nak kan ngei tawn. “Asi taktak hnga maw? Ka zum deuh lo? Mah cu ka pomning asi lo?”, kan ti tawn. Rel ko nain zumh lo hi ttih a nung taktak mi asi, rel lo nak in ttih a nung deuh. Bible hi tuanbia bantuk menmen in a rel mi tampi kan um i a chung um mi Bia hi bia sawsawh ah kan ruah. Bible hi bia sawhsawh asi lo van le vawlei sertu Pathian Bia asi.
“Cathiang hi a dihlak in Pathian thaw chuahhnawhmi a si i biatak cawnpiaknak caah le palhnak cawnpiaknak alnak caah le palhmi remhnak caah le ding tein nunnak ding cawnpiaknak caah a ṭhahnemmi a si.” – 2 Timote 3:16
Paul nih a kan cawnpiak mi cu Cathiang (Bible) hi Pathian thaw chuahhnawhmi asi tihi asi. Greek holh in cun theopneustos ti asi i, a sullam cu Pathian thaw chuahhnawhmi le Pathian sin in a ra mi ti asi. Bible hi minung nih tial sawhsawh mi a si lo, Pathian Thiang Thlarau nih minung hmangin a tialmi Bia asi. Phundang chim asi ahcun a tialtu minung pawl hna hi Thiang Thlarau nih a hman mi an si i, Bia a petu le a tialtu taktak cu amah Pathian bak hi asi. Theologian min thang John Calvin nih a chim mi cu, “When the Bible speaks God speaks”. “Bible nih a chimi Bia cu Pathian Bia asi” ati. Ka theih tawnmi cu, “Jesuh chimmi lawng hi zumh ding asi, Paul le Peter chimmi cu minung an si caah an i palh kho mi asi” ti hi asi. A hman ngaimi a lo nain a hman bak lo mi ruahnak asi. Cathiang hi an dihlak in Pathian Bia an si i catialtu hna cu Pathian nih a Bia tial dingah a hman mi lawngte an si.
Bible chungah cauk 66 a um, minung 40 renglo nih an tial i kum 1,500 chungin tialmi a si. A tialtu hna aa hmu le aa tong bel lo mi an um, an chan zong aa dang sihmanhseh law khuaruahhar taktak asi mi cu an dihlak in tial hnawh chan pakhat an ngei. Mirang holh in cun “the different writers tell one big story”, Bible a tialtu an i dang sihmanhseh law an dihlak in tuanbia pakhat an tial. Cu tuanbia cu Pathian timhmi (God’s planning), vawlei hi Jesuh Khrih thawngin in a khamh nak kong hi asi. Khrihfa cauk tialtu John R.W. Stott nih a chim mi cu, “Bible a tialtu hi minung tampi an si ko nain a hnu lei Thlarau in a tialtu taktak cu pakhat lawng asi i cucu a nungmi Pathian asi”, ati.
“There is indeed a wide variety of human authors and themes (in the Bible). Yet behind these…there lies a single divine author with a single unifying theme.” Bible cu kum 1,500 dan in le minung 40 renglo nih tialmi asi ko nain biathli pakhat an dihlak in an chim dih, cucu Jesuh Khrih kong hi asi. Khaan pakhat ah minung 10 biathli kan i chim duh hmanh ah kan chim mi bia cu a donghnak ah a vaivuan. Zeiruangdah cu Bible tialtu minung 40 renglo an chim mi bia a vaivuanh lo kan ti asi ahcun hnu lei in a Bia a kilveng tu pakhat a um caah asi, cucu Pathian asi. Cucaah Bible hi tuanbia sawsawh si loin Pathian Bia bak asi ti kan zumh a herh. A chung i aa tialmi vialte hi Biatak an si i hmailei ca’h i biakamnak a tialmi vialte zong hi an cang hrimhrim lai tihi kan zumh a herh.
“Van le vawlei cu an rawk lai; sihmanhsehlaw ka bia cu zeitikhmanh ah a rawk lai lo.” – Matthai 24:35
Biakam hlun ahhin Messiah (Jesuh) kong rak chim chung asi cang (prophecy). Bible thiam nih cu Messiah kong chim chung mi bia 300 renglo cu Nazareth khuami Jesuh Khrih a nunnak, thihnak le thawhthannak ah a tling an ti. Cu vialte an tlin khawhnak cu Pathian sin in a ra mi asi caah asi. Cucaah Pathian Bia nih hmailei kong a chim mi zong hi a cang hrimhrim lai tihi kan zumh a herh. Bible hrawh duh ruangah nunnak tampi a rak liam, thisen tampi a luang sihmahseh law vawlei bawi tthawng tthawng nih an hrawk kho lo. Tuni tiang cawk le rel bik mi cu Bible Pathian Bia hi asi. A ruang cu Jesuh nih a chim bangin, zeithil paoh hi an rawk te lai sihmanhseh law Pathian Bia cu a rawk lai lo. Hi tluk a thawng mi le a hmun mi Bia hi a rel lawng si loin kan zumh hrimhrim awk asi. A bia thawngin hrintharnak kan hmu (1 Peter 1:23) i a bia nih kan thlarau nunnak a kan thenh (Efesa 5:26). Cucaah Bible na rel tikah hin van le vawlei sertu Pathian nih a ka chawnh nak Bia asi ti zumh bu tein kan rel awk asi. Cu lawnglawng ah a thawnnak kan tep le kan hmuh khawh lai.
3. Pathian Bia zumh lawng a za lo, nawl ngeihnak sang bik kan pek a herh. It is not enough to believe the Bible, we must submit to it.
Voi tampi cu Bible hi Pathian Bia a si ti kan zumh ko nain a sangbik nawl ngeitu ah kan chia tawn lo. Pathian Bia nih a tialmi kha pom le zul loin vawlei nih a kalpi mi ruahnak kha kan cohlan le kan zul deuh tawn.
” Jesuh nih cun, “Cathiang nih pei, ‘Minung hi rawl lawngin a nung kho lo, sihmanhsehlaw Pathian nih a chimmi bia paoh cu a nunnak a si lai,’ a ti kha,”
tiah a ti.” – Matthai 4:4
Jesuh cu ni 40 le zaan 40 rawl a ul tikah Satan nih a rak tukforh. A rawl tam ti kha a theih le lung kha changreu canter dingin a fial. Sihmanhseh law Jesuh nih a leh mi cu ‘nunnak taktak cu Pathian nih a chimmi bia lawng hi asi’ ati. Minung bia si loin Pathian bia hi kan nunnak bak asi. A ruang cu Pathian Bia ahhin kan herhmi vialte a tling. Paul nih cun palhmi remhnak caah cathiang hi kan hman awk asi ati (2 Tim 3:16). Palhmi remhnak caah kan hman khawh nak a ruang cu palhnak a ngei lo caah asi.
Jesuh Khrih hi kan khamhtu le kan bawi kan cohlan kan ti asi ahcun a kan daw tu lawng si loin a kan uktu zong asi awk asi. Khrihfa nun cu Jesuh Khrih nih ukmi nun asi i, Jesuh Khrih nih a Bia in a kan uk. Cucaah Cathiang chung aa tialmi vialte hi vawlei ruahning le pomning nakin, kanmah nih a tha le tha lo kan ruah le kan pomning nakin a sang bik nawl ngeitu ah kan chiah herh. Vawlei nih mah cu a tha a ti sihmanhseh law Pathian Bia nih a tha lo ati asi ahcun Jesuh Khrih zultu hna nih cun a tha lo kan ti ve awk asi. Vawlei nih mah cu a tha lo ati sihmanhseh law Pathian bia nih cun a tha ati asi ahcun Jesuh Khrih zultu hna nih cun a tha kan ti ve awk asi.
Pathian nih vawlei tlaihchan lo dinghi a kan fial. 1 Johan 2:15 ah kan hmuh mi cu, “vawlei a tlaihchan mi cu Pathian dawtnak chung ah an um lo” ti hi asi. Hi Bible catlang nih a kan cawnpiak duhmi cu Pathian nih a duhlo mi vawlei pomning le kalning in kal lo ding hi asi. Paul zong nih Rom 12:2 chungah fiang tein a kan cawnpiak fawn. U.S chungah cawnpiaknak hman lo a um mi pakhat cu ‘nu le nu, le pa le pa i um hi Bible nih a doh hrimhrim lo’ ti hi asi. Zeitluk in dah tih a nun cang? Mah pomning bawmtu dingah Pathian Bia kawih hi a ngah tuk sihmanhseh law tih a nung taktak fawn. Satan lila nih Jesuh Khrih tukforhnak ding caah Pathian bia cu a kawih (Matthai 4:6). Phungthlukbia 30:6 le Biathlam 22:18-19 chungah zeitluk in dah Pathian Bia zuh le chap tih a nun a kan hmuhsak.
Cucaah Pathian Bia a rel le a zummi poah cu Cathiang hi a sang bik nawl ngeihnak pe hna usih law vawlei kalning siloin Bawipa Bia ning tein kal hna usih. Bawipa duhnak cu fiang tein kan hngalh khawhnak ding caah a Bia thiang hi kan cawn hrim a herh. Kan dihlak in Bible sianginn cu kan kai kho lai lo sihmanhseh law a kai mi nih Bible Study tel cu an kan ngeih pi ding asi. Thawngttha chim thiam Charles Spurgeon nih a chim mi cu, “Pathian bia aa phuan lo le le aa zul lo nak hmun paoh cu thihnak hmun asi. Adam le Eve zong kha Pathian nawl an ngai lo caah an thi. Khrihfabu zong Pathian Bia an ngai lo ahcun an phaknak hmun cu thihnak a si ko lai” ati. Kan khrihfabu ah, kan inn chungkhar ah, kanmah pumpak nunnak ah Pathian Bia hi a sang bik nawl kan pe maw? Pathian Bia nih a kan uk maw?
“A bia kan theih paoh ahcun a za, tiah nanmah le nanmah kha i hleng len hlah u. A bia cu a tuah tu in tuah deuh u. A bia a thei nain a tuah ṭung lomi cu hi bantuk mi hi a si: mipa pakhat nih thlalang aa bih i amah le amah cu aa hmu. Ṭha tein aa zoh i a kal i zei ka lo ti kha a philh colh. Sihmanhsehlaw mi a luattertu nawlbia tling chungah ṭha tein aa bih i cucu a ruat peng i, a theihmi kha philh loin a tuahmipa cu Pathian nih a tuahnak ah lawmhnak a pek.” – Jeim 1:22-25
Pathian Bia nih a kan uk lawnglawng a thawnnak hmual kan hmu lai. Pathian Bia a sang bik nawlngeih nak kan pek lawnglawng ah kan nunnak ah a lang lai. Cu kan nunnak a lang tikah midang nih Pathian bia thawnnak hmual an hmuh ve lai. Cu kan nunnak a langh tikah lunglawmhnak in kan khat. Pathian bia a thawnnak cu kan rel, kan zumh, le a sang bik nawlngeihnak kan pek i kan nunnak a langh tikah a thawnnak hmual a lang.
1.Pa minung pahninh in cycle icit lo ding, ” SAC ralhrang nih uknak a lak hnu in, minung pakhat lawng in cycle icit ding, Pa minung pahnih in cycle i cit lo ding, Cycle i cit lio ah mask i hruk lo ding, Cycle i cit lio ah cycle thla laang bunh lo ding, Nu nih cycle aa cit lio ah a hnu lei in zulh lo ding.” ti mi SAC ralhrang nih zulhphung nawl an chuah tiah theih a si.
Mah khihkham nak zulhphung hi 2020 lio i, Nay Pyi Daw ah tuah mi မော်တော်ယာဉ် Upadi zulhphunh a ser mi hnatlaknak he zong pakhat hmanh aa khat mi a si lo. Hi phihkhamnak an tuah mi hi PDF mipi ralkap hna nih dalaan pawl thah a tamtuk caah an tuah mi a si tiah Ayeyawaddy thawngzamh nih cun a tial.
Mah phihkham mi zulhphung a zul lomi hna cu tlaih khih um lo in meithal in kahthah colh ding in biachahnak an tuah htiah theih a si. Mandalay khuapi ah cun pa pahnih i pherh in cycle i cit duh a si ah cun, nawl peknak laak a si tiah a luan cia mi ah khan RFA thawngzamh nih a tial.
2.Dawr kham cun tlaih ding, ” SAC ralhrang kutchungah dawr on mi zong kham a ngah ti lo tiah theih a si. SAC ralhrang nih အသံတိတ်သပိတ် timi mipi lamzawh colcanghnak ah dawr pawl khar a si ah cun dawr ngeitu pawl tlaih an si lai tiah SAC ralhrang nih nawl an chuah. Mah mipi colcanghna hi SAC ralhrang nih an tih tuk caah dawr pawl cu khar ter hna lo ding in tlerhkhawh in an on ter hna tiah theih a si.
3.VPN hman ah cun tlaih ding, “SAC nih uknak an lak hnuah thawngpang pawl cu theih khawh lo dingin an thuh caah SAC ralhrang nih social media pawl cu hman khawh lo dingin an phih kham tiin chim a rak si. Social media vialte hna laak ah Myanmar ram ah kan hman bikmi cu Facebook hi a si ti uh silaw kan palh lai lo.
SAC ralhrang nih VPN in Facebook hman khawh a si a theih hnu ah VPN a hmang mi paoh poah kan i tlaih hna lai tiah zulhphung nawl an ser i, Cyber upadi humhimnak cu chuah pi dingin an i zuam cuah mah lio a si tiah theih a si i, a tu hi zeibantuk cyber system dah an phak timi cu theih khawh a si lo. BBC nih a rak langhter mi ah cun VPN a hmang mi tlaih sual an si ah cun thong kum 3 thlak le tangkaa ting 50 dan pek liam ter an si lai tiah a tial. A bik in SAC ralhrang nih Facebook cu uk a duh caah a tu bantuk in upadi zulhphung nawl a chuah mi hi a si.
4.Moe Hein nih a chim mi ngaih lo ding, ” Moe Hein cu Thein Sein chan lio ah Thuriya Ne Won timi journal pakhat a dirh tu a si. Huatnak bia, mi va lem sawi , Personal attacks tibantukin, Media colcangh ning pakhat he hmanh aa khat loin Yellow Journalism timi a rak dirh tu a si. SAC ralhrang nih uknak a lak hnu ah Moe Hein nih SAC ralhrang nih ngeih mi Myawaddy thawngzamh ah ” မြန်မာ့အရေး အလေးအနက် တွေးသူတစ်ဦး၏ စကားသံများ” tiin a tu dohhlennak he pehtlaih in zarh fatin a thlah peng mi a si i, voi 160 deng a tlah cang tiah theih a si.
5. Minak na si i na mui dawh lo, na mui a hran (cianh) tuk a si ah cun tlaih ding,” Nak ngai in mui hran tuk ah cu tlaih a si lai timi hi fiangfai tein cun theih a si lo nain A luan cia mi Auguest thla ah Ayeyawaddy ramthen le Pathein ah cun minak le a mui a hrang taktak mi pawl khi an tlaih bik hna tiah theih a si. Pathein ah SAC ralhrang pawl cu mi hlethglainak gate an tuah nak ah mask cu an phawi ter hna i,
A mui a cian (hrang) deuh mi le a hngawng le a kut te hna ah hmepe a um deuh mi paoh paoh in an tlaih hna tiah Ayetawaddy times nih a rak tial. Mah an tlaih mi hna kong te pehtlai in zei bantuk poh mah in an tlaih hna i thong an tlak hna, Zeibantuk upadi in dah an tlaih hna timi zong thieh a si lo. Minung zeizatdah an tlaih hna i minung zeizatdah an thlah ttan hna timi zong theih a si lo.
A tubantuk in SAC ralhrang nih mah bnatuk minung an tlaihnak hna a ruang cu” PDF pawl cu ni linh laak an um i, khua leng haukaa hna ah gate an hngak i, ralkap training hna an kai caah an kut , an kee an hngawng bantuk ah hmepe a um i, nilinak lak ah an um caah nakk ngai le an mui a cianh ngai caah PDF tiin zumh lo (matingka ) in an tlaih hna tiah theih a si.
5. Phone ken lo cun dan tangka liamter ding, Mask i hruk cun dan tangkaa liamter ding” A tu lio PDF pawl an thazaang a thawnnak khuapi cheukhat ah a leng an chuak tikah phone aa ken lo mi paohpoah cu dangter liamter an si lai tinak a si. SAC ralhrang hna nih lam ah phone an chek tikah phone i len lo ah cun tangkaa liamter a si lai i liam khawh lo ah cun an i cit mi cycle an laak piak hna tiah a luancia mi ah DVB thawngzamh nih a tial.
SAC ralhrang lei nih ruakchuk ruahcho zong ruat lo in lam ah an ton hmuh mi paoh paoh in phone an check piak hna tiah theih a si.Phone chungah vedia , hmantlak (photos) pawl an check pinah Facebook ah NUG profile a tuah maw tuah lo, zeibantuk minung hen ah bia an i ruah i, an i chawnh, Zeibantuk kong dah a Facebook ah a Share, zeibantuk kongah Like a peek tibantuk zong an check tiah theih a si.
Pakhat a si mi nih cu, vawleicung pumpi ah Covid zawtnak ruang ah million lengin an nunnak a liam cnag. Cu ruangah vawleicung ram pumpi ah hmurhuh( Mask) i hruh dingin zungphung an ser bantuk in a zul duh lomi cu dan peek an si. Covid zawtnak i chawnhnak a karh tuk mi Myanmar ram ah cun SAC ralhrang nih hramhram in uknak an laak hnuah khuaruah har tuk in hmurhuh aa hruk mi paohpaoh tangkaa liam ter an si lai timi SAC ralhrang nih nawl an chuah.
Khah le ti si cun mipi kan i raltuk a hau cang, Hi thil kan ton nak hnga lo dingah hrialkhawh i zuam hna uhsihlawh Pathian nih rak kan kilveng hram ko seh law. Pathian bomhnak thawng in hi kan ral pa SAC ralhrang phu cu kan tei hrimhrim hna lai. Cu caah na herh mi na hoi le te zong rak share ve hna.
Videozohnak-
Leave a Reply