Hi thihnak faakpi a tlung mi hi Maryam Tsivon Church ti mi cun The Church of Our Lady Mary of Zion zong in auh mi biak inn chung ah January 9 ah thil a cang mi asi. A chung ah mipi a ummi hna cu leng ah an chuah ter i, meithal in kah an si hna. Hi biak inn cu Tigray, north region ah a ummi asi i, Ethiopian Orthodox Tewahedo Church he aa ttuai mi asi fawn, members dih lak hi a zapi ah 36 million hrawng an si.
Europe External Programme with Africa (EEPA) lei nih an chimning ahcun buainak a rak chuahter tu hna nih hin the Ark of the Covenant timi kuang bawm bantuk asimi, Ethiopian Krihfa hna nih an biak inn chungah an i chiah tawn mi, an zumh mi cu laakpiak i Ehiopian khualipi Addis Ababa ah chiah an timh caah a si. Hi buainak a rak chuah pi tu hna cu Ethiopian ralkap lei le Amhara ralkap lei hna an si tiah theih a si. A poi tuk hringhran hi buainak a tlung mi hi, minung 750 leeng nih thihnak an ton i, Ehiopia ram pi cu ttih phang in an um cuahmah lio asi. Ethiopia ram cu Orthodox Christians a tam cemnak pahnihnak vawleicung ah an si. A pakhatnak ah Russia ram an si i, Ethiopia ram Orthodox Christians hna cu a zapi ah 36 million hrawng an si.
Leave a Reply