Korea actor Minthang Song Joong Ki nih Thantlang caah phaisa tam tuk a hlut

370000 a hlut Ralhrang nih thangtlang Khuali pi cu inn tam tuk a hrawh a kangh dih i Thantlang mipi le chin miphun long silo in vawilei cung mitam pi nih an ngeihchia nak tampi an langhter cio i ralhrang sual an phawt cio hna, Tutan Thiam hlei lawk sawng zong tampi a ting co cang mi Actor Song Joong Ki zong nih Thantlang le chin mipi kan ngeihchianak akan hrawm pi i Phaisa zong a kan hlut, Song Joong Ki than pe tu chinmi chung zongah kan tampi tha pe chin rih hna sih.

Myanmar ram chungah minung hawidang zawnruahnak cu diklo tuk in a kal leng ah Myanmar ram harnak chungin deihnak hmuh a si rih lo , ralhrang phu hna nih hramhram an thiltuahnak vialte an ngollo ah cun, bawmhchanh a herhmi nuai 3 nak tam an si kho tiah UN in bawmhchanh nak a tuahtu rianngei pakhat nih a chim. Myanmar ram nitlak thlangtlei Kachin, Magway le Sagaing ramthen hna ah ralhrang phu hna le Chin mipi vengtu ralkap kar kahdohnak cu a fak chin kho mi a si caah thinphang tuk dirhmun an si tiah a chim.

“Chin ramkulh ah minung umnak inn 160 leng le Biakinn hna cu meikhangh piak an si, khuachung ummi minung (37000) leng nih ralzaam dirhmun an phan” tiah United Nations in bawmhchanhnak lei riantlai pakhat simi Martin Graffits nih a chim. Khuachung mi hna, minung hawidang cung zaangfah zawnruah in bawmhchanhnak pe tu hna, buildings hna an hrawh an doh mi hi ramkip cung midang zaangfah zawnruah nak u-pa-di ning ah khammi a si caah a tubantuk dohnak an tuah mi hi ngol colh ding zong in a chim.

Cun ralhrang phu hna nih an thiltuah mi ruangah bawmhchanh a herhtuk mi hna sin bawmhnak pekkhawh nak ding kong ah rikhiah nak a umrih tiah a chim chap. Myanmar ram chungah ralhrang phu hna le phu kip cio kahdohnak ruangah ralzaam dirhmun a phanmi hna telhin le bawmhchanh a herhmi hna bawmhchanh khawh nak ding, ramchung um mipi hna runven khawh nak ding ah ramkip in minung hawidang cung zaangfah zawnruah nak nuhrin covo u-pa-di cu nawlzulh ding in forhfialnak a tuah cun “vawlei pi nih kan in zoh ko hna” tiah a chimchap. BBC

Be the first to comment

Leave a Reply

Your email address will not be published.


*