Kan theih cio bantuk in Supercopa de Espana chuih mi ah Atheltic Club nih cun 3-2 in Barcelona cu an tei hna. Lionel Messi cu caan dongh lei te bak ah red card a hmuh caah field chung in chuah ter a si.
Messi kha referee Jesus Gil Manzano nih tha tein thil si ning VAR hmangin a zoh hnu ah red card kha a pek mi a si.
Kum 33 i upa mi Lionel Messi hi tu tan season chuih dingah cun Camp Nou a chuah tak cang lai tiah mi tampi nih an chim. red card a hmuh ning hi tha tein van zoh tik ah caan saupi chung bawlung chuih kho lo in an hrem kho men.
Koeman nih ma ti hin bia a chim, Messi red card hmuh mi kha kei nih cun ka theih thiam. voi zei zat dah referee theih lo in amah kha an foul ti zong ka theihpi i, bawlung chuih lio ah cun khatta lei team nih an kan foul peng ah cun mah bantuk thil tuah kha a fawi ngai tiah a chim.
A chim than ningah cun, ” zahan kan sungh mi khan cu ka lungfak ve ngai Final ah khan teinak hmu ding bak in kan sikhawh tak in kan i zuam ve. chuih ding dang kan ngei rih i result tha kan hmu cang ka zumh tiah Koeman nih a chim.
Leave a Reply