KNU Nih Ralhrang Motor 20 Leng An Hrawk Piak Hna Cu Pinah!

KNU Brigate (5) Hmunhma Chungah Kahdohnak Tuahtu SAC Ralhrang Ralkap Motor (20) Leng An Rawk Dih!

KNU Brigate (5) hmunhma Pha Pun pengkomh chungah Brigate (3) hmunhma chungin Brigate (5) hmunhma ah a luttu SAC ralhrang ralkap hriamnam le eidin phortu motor le lampi sialtu motor (20) lengkai cu KNLA le KNDO phu nih an rak kah hrawh dih tiah thawng theih a si.

Atu i hmanthlak a cuangmi cu KNLA le KNDO phu nih lampi in an rak kahdoh ruangah nikhat chungah motor (6) bak an rawk dih tiah an langhter i, an kahnak hmunhma kong he pehtlai in Yangon Khik Thit nih a fehter kho lo.

India-Kawlram Ramri Rih Khua Dar Ah Zaan Ah Helikopter A Tum!

India-Kawlram ramri Chin ramkulh Falam peng Rih Khua Dar khuapi, ralhrang ralkap umnak sakhan thar ah March (1) zaan sml 12:00 tluk ah helikopter pakhat a tum tiah khuami sinin theih a si.

Zaan ah helikopter pakhat a tum tiah theih a si i, cheukhat nih kan thei lo an ti. Helikoter cu a hlan bantukin cung sang taktak ah a zuang lo ruangah a thawng hi lamhlat in theih khawh a si lo tiah theih a si.

Cupinah March (2) zongah Rih Khua Dar khuapi sang (2) nak zawnah vawlei cawhnak seh ngeitu hna cu ralhrang ralkap nih phone an chawnh hna i, sakhan thar an tuahnak hmunah vawlei hmunhma cawhpiak dingin an fial hna tiah theih a si.

SAC ralhrang ralkap nih sang (2) nak zawn tlang cung hmunhma thatnak (3) ah sakhan an tuah caah pawngkam ummi mipi hna zong hmun dangah an thialter hna tiah theih a si.

Febuary 27 zinglei caan zongah helikopter pakhat cu Falam khuapi, Hakha le Rih Khua Dar ah a tum.

Crd: Zalen

American, Canada Le Japan Hna Nih Ukraine Caah Ral Ka Do Lai

Russia nih kahdoh atong mi Ukraine caah bomh a herh mi ramdang mi pawl lei in Ukraine ram luhkhawh nak hnga ding caah Visa hau loin Ukraine President Zelensky nih min athut hnu ah Japan mipi minung 70 hrawng nih Ukraine caah ral kan doh lai tiin an min an pek cang tiah theih a si.

Ukraine president nih ramdang mi paw cu VISA hau loin kahdohnak ah nan luh kho tiah a langhter hnu ah Dozens in a si mi American, Canada le Japan ram mi hna nih Ukraine ram caah bomh dingah biachah nak an tuah cang tiah theih a si.

France miphun ralkap in a kir mi minung pa 2 le Japan ram mipi hmunhimtu phu minung 50 tel in Japan mipi minung 70 hrawng nih Ukraine ram caah kahdohnak luh dingah min an pek nak kong cu Maninichi Shimbun thawngzamh  nih a langhter cang tiah theih a si.

Ukraine ram caah bomh ral chungah luh a duh mi pehtlainak pawl aum nak kong Spokesperson for the Embassy of Ukraine in mi pakhat nih a chim ko nain zawnruahnak lei in cozah riantuantu pawl he pehtlai in thil dang dang theih khawh a si rih lo tiah a chim.

American, Canada Le Japan Hna Nih Ukraine Caah Ral Ka Do Lai

Russia nih kahdoh atong mi Ukraine caah bomh a herh mi ramdang mi pawl lei in Ukraine ram luhkhawh nak hnga ding caah Visa hau loin Ukraine President Zelensky nih min athut hnu ah Japan mipi minung 70 hrawng nih Ukraine caah ral kan doh lai tiin an min an pek cang tiah theih a si.

Ukraine president nih ramdang mi paw cu VISA hau loin kahdohnak ah nan luh kho tiah a langhter hnu ah Dozens in a si mi American, Canada le Japan ram mi hna nih Ukraine ram caah bomh dingah biachah nak an tuah cang tiah theih a si.

France miphun ralkap in a kir mi minung pa 2 le Japan ram mipi hmunhimtu phu minung 50 tel in Japan mipi minung 70 hrawng nih Ukraine ram caah kahdohnak luh dingah min an pek nak kong cu Maninichi Shimbun thawngzamh  nih a langhter cang tiah theih a si.

Ukraine ram caah bomh ral chungah luh a duh mi pehtlainak pawl aum nak kong Spokesperson for the Embassy of Ukraine in mi pakhat nih a chim ko nain zawnruahnak lei in cozah riantuantu pawl he pehtlai in thil dang dang theih khawh a si rih lo tiah a chim.