KNU he raltuknak ah a thi mi an tam, Ralhrang ralkap nih mipi an thah hna

KNU He Raltuk Nak Ah A Thi Mi An Tam , Rallokap Nih Mipi An Thah Hna, An Tlaih Hna Cun An Rawl Pawl An Lak Piak Hna

Kayin ramkulh ah hramhram uknak latu rallokap le KNU kahdohnak ah a nunnak liam mi an tam, khuami hna zong an thah hna ,an tlaih hna cun dawr tuah mi hna zong ah eidin an chuh hna tiah khua mi nih an chim mi cu KNU thawngthanh nak zong nih an langhter.

April 29,2021 chun hnu suimilam 12 ah ralhrang rallokap phu si mi စကခ-၈,ခမရ-၄၀၇ hna cu Mathaw khua mi Kapali (kum-55) cu an tlaih i an kal pi , zaan lei suimilam 5 hrawngah cu ralhrang rallokap hna nih cun Kuseih khua mi Ko That Awng (kum-40) cu an thah, Cu an thah mi pa Ko That Awng cu a nu pi le a fa le pahnih a tantak hna.

Cun April 27,2021 ralhrang rallokap phu si mi စကခ-၈,ခမရ-၄၀၇ cu Thui Tiu khua mi Naw Aye Tuai dawr ah khohsuai, Mama thoh, chiti, achohmuk,dat khe, zi nan, ti thiang bu, pha- zawng – dan, fikfa thah nak, phahnah , changreu, facang le cawhnuk tiah thil ri tam pi cu hramhram in an lak chih, an lak mi hi sing li man leng a si .

Khua mi hna cu an thah hna, an tlaih hna cun an thilri pawl an chuh hna lawng si lo in khuami hna cu tinh ciammam in vanlawng in doh nak le hriamngan in an kah hna.

April 30,2021 zinglei suimilam 1:40 ah ralhrang rallokap phu nih KNU brigade 5 hmunhma chung um mi Dakuai me khatha cu vaniawng in bomb pathum an thlak hna, cun zinglei suimilam 11:20 ah ralhrang rallokap phu nih vanlawng pahnih in cu hmun cu bom pahnih an thlak chap hna, cun vanlawng meithal pawl zong in an kah hna.

Ni zaan chunhnu suimilam 1 ah vanlawng pahnih in Ybuhtha hmun cu bomb pahnih an thlak than hna, chunhnu 1:30 ah vanlawng pahnih in Dakuai hmun cu bom pahnih an thlah than tiah theih a si.

April 30,2021 Lutaw peng Lemupalaw khua Thawhmupaleme rallokap umhmun in ခမရ -၂၀ rallokap phu hna nih mipi cu an riantuan nak hmun pawl ah hriamngan 17 in an cheh hna, cu an cheh nak hna ahcun facang an chiah nak hmun a tlak caah a rawk dih.

Hramhram uknak latu ralhrang rallokap phu hna le KNU kahdohnak ah April 26 in 29 tiang kahdohnak chungah rallokap lei in minung tampi an nun nak a liam lengah April 27 zaan lei 4:30 ah khan rallokap umhmun (sakhan) si mi Meyatha(မယ္ရာထာ) sakhan cu KNU brigade 5 nih suimilam 1 chung ah an lak khawh ,cu ahcun rallokap lei in minung 14 zong an nun nak a liam pin ah hma a pu mi tam pi an um tiah theih a si.

The Chin Post