Kayin Ramkulh BiLin peng, KyaThuangSik khua um ralhrang kuttang BGF Camp cu December 17 zanhan ah KNLA le an mah he a fonh mi phu hna nih an tuk i an lak khawh tiah thawng kan theih. Hi Camp cu KNLA le Mizapi Ralkap phu fonh nih an lak ralhrang le BGF minung 7 an nun bu in an tleih hna . KNLA lei in 1 nunnak a liam i 4 hliam an tuar tiah KNU Brigade 1 fehter nak cathanh an chuah.
BGF Battalion 1013 le ralhrang hna riakbuk KyaThuangSik khua um camp cu Mon ramkulh le Kayin ramkulh a ton nak ah a um mi asi, Hi camp an kah lio ah hriamngan le kutcheh bomb hna in an kah hna tiah theih a si. Zingkaa teah kan va kah KNLA Brigade 1 le STF ( Special task force ) phu hna nih 40 mahmah in 200 hrawng in kan kah ,” tiah KNU Brigade 1 nih an chim.
Kya Thuang Sik camp cu zingkaa sml 5:00 hrawng ah kah hram thok a si i zanlei sml 6:13 tiang kahdoh nak achuak, an camp zong mei in kan kangh. Kahdoh lio ah ralhrang helicopter pakhag cu a pawng kam ah a hel len hnu ah LayKay khua lei zong ah ralhrang bawm tu a va chiah hna .Ralhrang bawm tu ding motor run zong KNLA nih lam tan in an kah than hna i LayKaykaw khua ah an kir than tiah theih a si. Crd; The Chin Post, Khit Thit Media,
Magwe ramthen, TaungDwinGyi Peng,Tapipin khua te ah Guitar tum pah in Fudum hngah pah ah twetitsa ti mi hla an sak ruang ah minung 7 cu December 17 chun suimilam 12 hrawng ah ralhrang nih an tlaih hna tiah thawng kan theih. Khua mi pakhat nih” Dacember 16 zaan ah khua pawng ah hngakchia pawl nih fudum hngah pah ah guitar tum in twetitsa ti mi hla an sak mi cu duh lo nak an lanh ter tiah khua uktu le dalaan nih ralhrang sin ah an chimh hna.
Khua hngakchia deuh a si mi tlangvaal pawl le Nungak 7 cu an velh hna i an tlaih hna. Rallokap pawl nih khua chung inn pawl zong ah an lut i sui, tangka le cycle pawl, phone zong an ii lak” tiah a chim. ChinTapipin khua i inn pawl cu ralhrang minung 100 hrawng nih an luh hnawh hna caah khua i a um mi mino cheukhat zong a him nak hmun ah an zaam ii ralhrang pawl nih khua luh nak lam in lam an kham tiah khua mi pawl sin in kan theih. ” Khuachung ah cun tar deuh lawng an tang cang. Khua uktu le dalaan nih mah khua mi ve ve a si mi cu har nak ii pek ding a si lo.
Tu cu kan zapi in har nak kan ton cang” tiah a zaam mi pawl nih an chim. Khuami pawl tlaih khih an ton nak kong he pehtlai in TaungDwinGyi khua palik camp Kan hal tik ah ” mah kong he pehtlai in kan theih mi a um lo. camp zong ah an phan lo” tiah tuanvo ngei tu nih an kan leh. ChinTapipin khua telh in a pawng kam khua pawl zong nih tu lio cu fuulak caan a si caah khua ii mino pawl an zaam dih caah kan ii harh ngai ngai tiah khuami pawl nih DVB ah an chim.
Leave a Reply