KNLA le PDF nih Ralhrang 10 hrawng an thah hna hnu ah mawtaw 4, Ting 200 leng An Lak

Sagaing ramthen, Kani peng ah November 30 zanlei sml 2:00 hrawng ah hmaikal asi mi ralhrang 3 cu KLG PDF ( Kani) nih NattGyi khua le ChuangWaGyi khua kar ah bomb in an kah hna i ralhrang 3 an thi tiah KLG PDF (Kani) nih anchim.Ralhrang 3 ning in an thih lio ah hriamngan pawl va char ding in kan i zuam ko nainahnu ah,.

A rak kai mi ralhrang hna ruang ah kan la kho lo tiah KLG PDF ( Kani) nih achim. Kani peng ah phungning tein um ding ah Kani Peoples Defense Force – KPDF nih tuanvo an lak i thing thli tein ala mi hna mawtaw 4, Ting 200 leng man cu kan tlaih tiah Kani people’s Defense Force – KPDF 1 nih cathanh an chuah. Khit Thit Media

Mon ramkulh, Kyaitthu peng Boeka, khua ah ralhrang phu hna khah-lah-yiah 2 battalion hmunhma chungah KNLA le Kyaitthu PDF phufonh nih December 1, zinglei suimilam 8:10 hrawng ah 40mm hriamngan in an kahdoh hna caah ralhrang minung 4 an thi i minung 7 nih hliamhma an tuar tiah theih a si.

40mm kahnak ruangah ralhrang minung 3 hna cu, cuka hmun ah cun an thi colh i minung 7 nih hliamhma an tuar, hliamhma tuar mi hna cu Kyaitthu general hospital ah an kal pi hna, cun sii-inn kalpi an si lio ah cun minung pakhat a thi than i a tangmi hliamtuar hna cu Mawlamyine lei ah an kalpi hna tiah Kyaitthu dothleng phu hna nih cathanh an chuah.

Tathung lei in Yangon lei ah a kalmi ralhrang riahcaw phormi motor pakhat cu nihin zinglei suimilam 8:30 hrawngah bomb puahhnawh in doh an ton caah ralhrang minung 1 a thi, hliamtuar an tam tiah theih a si. Ralhrang phu motor bomb puahhnawh in doh an ton nak kong ah zeibantuk phu nih tuahmi a si ti theih a si rih lo. Khit Thit Media

Bilin peng, Kaanthayar veng, Japan Kone Aung Chian Thar lei ah December 1 ni zinglei ah bomb puahkeh nak aum i ming 2 an thi tiah theih asi.Tuni zing sml 1:00 hrawng ah puahkeh nak a um i Saikal in a ra mi Pa pakhat le Nu pakhat an thi tiah theih asi.” Puahkeh thawng cu a thang taktak. Mi thawngpang adaih lio te asi caah, an theih nak ah cun lam pawng ah hmanh mi bomb si lo in an mah saikal chung in apuak tiah kan theih.

Saikal zong acheu dih i minung 2 zong an pum a then dih. An thih ning hi a fak taktak ” tiah khuami pakhat nih achim. Puahkeh nak acan hnu in ralhrang hna an rak phan i apawngkam hna cu checknak le kawlnak hna an tuah tiah achim.November 18 lio ah khan Bilin peng, WinPian khua ah WaiGyi khua kalnak lam pawng ah kut in ser mi bomb a hmanh nih minung 2 cu a rak puah l hna caah an nunnak a rak liam tiah theih asi.

Be the first to comment

Leave a Reply

Your email address will not be published.


*