KIO Control Mi Hmunram Ah Sianginn A Kai Mi An Karh!: Kachin Independence Organization (KIO) headquarter umnak Laiza pawng Alen Bum(အလျဲန်ဘွမ်) High school sianginn ah SAC nih uknak an laak hnu in cuka sianginn ah cun i thial in, a kai mi siangngakchia an karh chin lengmang i, khuapi chung ummi pawl zong nih an fuhpanh, tiah theih a si.
2021-2022 cacawn kum ah cun kum dang nakin siangngakchia a let 3 in an tam deuh tiah sianguk bawi bawmtu Sain Khaw(ဆိုင်းခေါန်) nih a chim. Kum dang ah cun siangngakchia 700 tluk hrawng an si tawn nain SAC ralkap nih uknak an laak hnu 2021-2022 cacawn kum ah cun siangngakchia 2400 tluk an um, tiah theih a si.
Siangngakchia 1700 tluk hi khuapi in aa rak i thial mi an si i, SAC fimcawnnak an zumh lo ruangah le ramkhel ruang ah cozah sianginn ah an kai ngam lo. Cupinah, Khuapi chung ah caan khel tein sianginn an on lo ruang zong ah KIO control mi hmunram ah an rak kainak hi a si, tiah a chim. Alen Bum high school hi a bik in ralzaam siangngakchia pawl caah ti in 2013 kum ahkhan an rak dirh mi sianginn a si. Cred : The Chin Post
Leave a Reply