Kachin ramkulh Bamaw pengkomh Shwegu peng palik sakhan le Ngabdtci (ငါးဘတ်ကြီ) khua i ralhrang umhmun cu July 4, zaan 11:00 pm lonh hrawngah KIA le PDF i bawm in an kah tiah theih a si.
Hriamngan hriamhme he an kah i 11:23 pm ah hnu an tolhtak than. An kah chung hi minute 10 hrawng a rau tinak a si.
KIA le PDF lei cu him tein an tolh kho i palik le ralhrang lei dirhmun bel hlathlai cuahmah lio a si.
The Chin Post
Relchap: Mawlamian Cun khua Veng Oh-Choh-Ye-Hmu Zungah Bomb A Puak I Minung Pakhat Nih Hliam A Tuar
Ayeyarwaddy ramthen,Mawlamian Cun khua Yelay lam no 12 Oh-Choh-Ye-Hmu zung cu July 4 zaan suimilam 9 hrawngah bomb a puak tiah theih asi.
Ralhrang nih riankhinh mi U Kyaw Maung a thutnak cabuai tang in bomb a puak,ralhrang nih cawnnak an pek mi pakhat bomb nih a hliam i hliam a tuar.
“Nihin ah Covid zawtnak hmuhmi minung 50 hrawng an si lai,khuapi te thinphang thlalau in um asi i leng chuah ngam asi lo, hi a puahnak zung hi Dalaan an umnak le uktu an tamnak asi.Hi caan ahhin zungah kal in Oh-Choh-Ye-Hmu zungah bomb va chiah cu zei ti hmanh in asi kho lo tiah” khuami pakhat nih a chim.
Hi a puahnak ahhin hmun kiangkap zohfelnak ah bomb pakhat a puak rih lo mi hmuh asi i an lak ahhin zan suimilam 12 a si cang.
Mawlamian Cun khua in PDF lei nih thanhmi zei hmanh a um rih lo.
The Chin Post
Leave a Reply