Khuaruah har taktak asi ko, Siibawi pawl nih an zohnak ah fa pasarih a pawi an ti hnu ah fa pakua bak a hrin

African Nu nau pawi mi pakhat cu Siibawi pawl nih Ultrasound he an zoh piak i fa 7 a pawi ti’n an chimh hnu ah a hrin taktak tikah fa pakua a hrin.

Mah nu hi a min cu Halima Cisse kum 25, Mali mi a si, Fa 9 bak C-Section in May 4 ah khan a hrin.

Halima Cisse hi Morroca ah tha deuh in zohkhenh ding ah an i zuang i, Siibawi pawl nih Ultrasound he an zoh piak nak ah Fa 7 tiah an chimh nain, a hrin taktak ah pa 9 a si.

Mali Health Minister Fanta Siby nih hngakchia hi Pa 5 le Nu 4 an si. An ngandamnak a tha, an chungkhar ka lawmhpi ngai ngai hna tiah a chim.

Nonuplets tiah an ti mi voikhat ah Fa 9 bak a hrin khawh mi hi vulei cungah a um bal thenglo mi a si i, a hrin khawh hmanh ah zeimaw damlo nak he sau an dam bal theng lo tiah an ti.

The Chin Post