Khuapi Lei ah Dalan An Thah Cuahmah Hna Ralrin Peknak zei Rel mi Ralkap Sal Tuzing Faktak In An thah

Dalaan le khuabawi pawl an fimtawl hna 1. Yangon Ramthen, Thanhlin Peng Bogyoke khua ah Dalaan Kala@Ye Dain cu nihin September 29 zing ah meithal zuun 3 in ah kah i a thi. 2. Sagaing Ramthen, Monywa Peng, Monzwe khuabawi U Myat Kyaw Thu zong Monywa Heroes Group (MHG) nih an fimtawl ve. 3. Minmu khua zong ah Dalaan le a hnuzuul pakhat an fimtawl rih hna. 4. Dalaan lawng hlah, Pyu-saw-htee hruaitu tiin amin thang mi Sagaing Ramthen, Khin-U Peng, Thayat khuami Ko Win Thura (kum 45) cu nihin September 28 ah meithal kahnak in a thi, tiah Khit Thit Media nih a tial.

Sagaing ramtthen, Kani peng chungah Chindwin tiva zawh in a hung kai thluahmahmi ralhraang pawl cuannak lawng cu tuni September ni 29, kum 2021 zing suimilam 6:00AM hrawng ah khan Kani People’s Defense Force nih an kah hna tiah thawngpaang theih a si. Hi kong he pehtlai in KPDF lei in ralkap pakhat nih “zing suimilam 6:00AM hrawng khan kan kah hna, a thimi le hliamhma pumi zei zat an um bel kan thei fiang kho rih lo, kan mah lei tu cu a thimi le hliamhma pumi kan um lo, hmun kip ah kan i kap ko,

Kani khua chung an rak phanh le caangka mah uico pawl cu kah an tong colh ko” tiah a chim.Tuzing ah an kahmi hi nizan September ni 28, kum 2021 zanlei suimilam 5:00PM hrawng ah khan Monywa khua, Alone Seikkaan in a rak chuakmi le ralhraang pawl hman ding oil phur tu lawng a si, ralhraang pawl nih keh lei he orhlei he an cawngh tthup nain Kani khua chung an luh bak ah an kah hna.

Phaisa kuatnak na tuah ve, a zin caah $10,000 na chiah— cucu tu kum thawk ah $1=1400 MMK rate in ting 140 a si. Atu tiang na miakmi he cun ting 200 a tling cang ti ko u sih. Nain, US ummi na si i atu ah US dollar na herh than hnga. Na ngeihmi Myanmar phaisa ting 200 kha atulio rate in na thlen than ahcun 20,000,000/2700 = 7,407 lawng a si cang. Kum thawk ah $10,000 na ngei nain atu ah $7,407 ah a zor.

cucu na miak lo, na sungmi a si. Myanmar kyat hi a let in a man a zor khawh rih caah na seihmi na phaisa a zin $10,000 kha MAH kuttang ah cun $2,000 or $100 tiang hmanh a tum khomi dirhmun khi a si. US dollar rate a kai poah ah kan miakmi Myanmar kyat a karh ko ti menmen in i lawm ngam ding a si lo, na miakmi phaisa tlap kha man ngeilo catlap sawhsawh ah ai cang kho timi philh hlah u sih. Salai Lungthli Tum