khuapi chung zongah kah dohnak a chuak thluahmah cang caah mipi nan himnak hmun ah zaam le rol ding in siseh ralhraang phu he a si khawh chung in lamhlaat ah um ding in Civil Guerrilla (CGF) nih thawngthanhnak an tuah. Yangon ramtthen, Hlaingtharyar ah dirhmi CGF hriamtlai phu nih nizan September ni 21, kum 2021 zanlei suimilam 3:30PM thok khan Anawyattha lam cungah ummi Yugyi le Yutee timi kar ah kah dohnak pakhat an vun thok cang, lamhlaat in control khawhmi bomb pa 6 hmang in ralhraang pawl an phomh hna.
Hi bomb puahnak ah hin uniform aa hruk lomi ralhraang pawl tam lak te hliamhma an pu nain CGF lei in in cun hliamhma pumi pakhat hmanh an um lo. Hlaingtharyar hi ralhraang uknak kan duh lo tiin sandah piah ruangah ralhraang nih tampi an rak thah hnanak hmun si. Nizan September ni 21 zanlei ah khan ralhraang lei in Captain range simi le ralhraang palik bawi pakhat an cuannak motor bomb in an puah khawh ruangah a cung cuangmi an dihlak in sizung an phan viar. Kan nih CGF nih cun mipi hna himnak ding hi a si khawh chung in kan i zuam lai, mipi lei zong nih kan mah he hmunkhat ah ttang tti ding in kan in sawm hna tiah thawngthanhnak an tuah. Chin24Saven News
S Cozah nih vawleicung hmunkip in kumtinte ralzam a lak tawnmi cu kum 2022 ah tam deuh lak dingin timhtuahnak a ngei. Kum 2021 ah 60000 lawng a lak nain 2022 ah cun 125,000 tiang lak dingin biakhiahnak an tuah tiah RFA nih a tial. Vawleicung ramkip le hmunkip i a ummi buainak hna ruangah bawmh le zohkhenh a herhmi minung tampi an um i cu hna bawmh le zohkhenhnak rian a tlawm deuh nakhnga ralzam tam deuh lak dingin kan tinak a si tiah US ramleng vuancizung nih an chim.
Ralzam lak ding an timi hna hi America Continent laifang ram hna le Afghastan ralzam hna, China ram i Muslim miphun tlawmte a simi Uighur le Hong Kong i ralzam hna, Myanmar i ralhrang dohnak le ramkhel cawlcanghnak ah aa telmi hna le Rohinya ralzam hna kha a bik in an i tel lai. Ralzam an lak dingmi hna cu Africa ram hna in 40000, East Asea ram hna in 15000, Europe le Asea Continent laifang ram hna in 10000, Latin America le Carribean ram hna in 15000, Middle East le South Asea ram hna in 35000 an si lai tiah RFA nih a tial.
A dang:Mahten dirkhawhnak nawl,tlukrual nak le federal democracy ngahkhawh nak ding tiang kan i zuam lai tiah KNU nih cathanh an chuah! Mipi hna nih ngah dingmi Opportunity, Equality, mahten dirkhawhnak nawl le federal democracy ngahkhawh nak ding tiang kan i zuam Lai tiah KNU nih cathanh a chuah.Nihin September 21 International Day of Peace cakuat ah KNU
Leave a Reply