Magwe ramthen, Pakokku, AaZani lam le Buchok lam tonnak pawng ah khuavel mi palek mawtaw pakhat cu September 28 zaanlei ah bomb in an cheh hna i palek pakhat a thi 3 an i hliam tiah theih a si. “Nizaan zaanlei suimilam 5:00 hrawng ah Pakokku ah khuavel mi palek mawtaw cu a chawh lio ah cycle in a ra mi nih bomb in an cheh hna.Bomb cu a pinhtuk mawtaw cung i a khuh mi zong a hawk dih.
Khuavel ah a chawk mi palek bawi mawtaw asi tiah kan theih.Palek pakhat cu a thi i pathum an i hliam an hliam hma a fak ,an thi tam tuk te a chuak tiah a hmutu pakhat nih a chim. Bomb a puah hnu ah ralhrang hna nih a pawngkam in hna cu chekhlatnak an tuah i bomb a cheptu hna cu an tlai kho rih hna lo tiah Khit thit media nih a tial.
Sagaing ramthen Yinmapin pengkomh Salingyi peng Chauhtinjah khua pawng ah September 29 zinglei ah ralhrang phu hna motor bomb puahhnawh in doh a tong tiah theih a si. September 29 zinglei suimilam 9:00 hrawngah Hmungyua-Pathein lam ah a kal mi ralhrang phu hna motor 3 cu Myanmar-Wanpawng company riantuan nak le Salingyi khua kar Chauhtinjah khua pawng ah bomb puahhnawh in doh a tong tiah khuami pakhat nih a chim.
Bomb puahhnawh in doh a si nak cu PDF phu hna nih an tuah mi a si, motor pathum ning in ralhrang phukhat ten a phor tu a si cun motor pathum ning in thlalang an rawkral caah a thi mi an tam kho tiah a chim. Cu bomb puahhnawh a tong mi ralhrang phu hna motor cu khoi ka hmun dah kal a timh le a thi mi, hliam tuar mi zeizah an si fianghlang in theih a si rih lo. DVBEnterWrite to Dawt Hlei TumAa
Leave a Reply