Nawlngeihnak Lak Hnu Ni (326) Chungah Thah A Tong Mi (1365) An Si Cang AAPP nih December 22 ni tiang cazin a lakmi a thanh ningah. ralhrang nih hramhram in uk nak laak hnu ni (325) chungah an thahmi (1365)an si cang tiah theih a si. Tlaih a tongmi (11148) an si . Tlaih ding in nawlchuah mi 1964 tiang ansi cang. Ref: Than Lwin Time
Christmas Donnak Boruak, Covid rai ruangah nikum cu kum thluan ngawt in lockdown a si caah Christmas le kumthar lawmhnak puai zong tuah khawh a si lo. Mizoram ah cun cozah lutlai hna nih lockdown an dorh deuh cang caah Christmas le Kumthar donnak ah timhtuahnak mizapi nih kan ngei cio hna, ti khawh a si.
Khua lak a tamh na, Biakinn a tamh na, Mah inn le lo, inn pawngkam leng ah pumpak caah timhtuahnak kan ngeih cio ning hmuh khawh a si. Khrihfa bu tam deuh nih christmas dong ding in timhtuahnak an ngei fawn. Chin ralzam tamnak Mizoram, Aizawl khuapi ah cun December thlacheu hnu lei cun bazaar aa tet tuk hringhran cang.
Nihin December 24 zong ah duhherh a ngei mi mizapi cu Aizawl khuapi Bazaar ah an chuak cio hna i, cozah nih motor le mizapi chawhleh ning ah phungphai tha tein an ser caah thawng kan hlat tiang ah cun buaibainak dang a um theih a si lo. Mizoram thlanglei Sangau khua, ralzam tam cemnak khua zong ah ralzam le khuachung mi hna leng ah,.
Sangau khua kiangkap hna in duhherh zalh ah an ra cio hna. Sangau khuapi hi lampi an ser cuahmah lio a si caah motor aa chawkhlat an tam tuk lo. Mizapi ca ah cawlcangh a nuam deuh ngai. Khrifa bu tam deuh cu christmas zanvah an ngei cang hna i, nizan December 23 khan zaan zaikhawmh an thawk cang.
Lairam Isua Khrista Baptist Kohhran(LIKBK) khrihfa bu cheukhat cu Thaizing Christmas ni ah Christmas rawldumnak tuah an i tim hna caah nihin ah chung a tuancia mi khrihfa bu zong an um. The Chin Post Thazaang petu le dirkamhtu vialte nan umnak hmun cio ah lunglawm le thanuam tein Christmas dong cio ding in duhsaknak kan in hlanh hna. Christmas lawmhnak nan cung ah um cio ko seh…
Leave a Reply