Ngaih a chia kho taktak , sianginn pakhat ah a sangbik asi mi , headmaster pa an vuak ning hi zohtik ah ngaih a chia kho taktak ko. Khrihfa asi ruang ah mah an vuak nak case hi, report tuah asi ko nain, Polices hna nih zei ah an rel lo. An case tuahmi an lak piak duh lo.
Mah headmaster pa ruangah khrihfa mi hna an thin a hung dih le, sandah (demonstration) an duhlo nak an lang tar ve. Khrihfa kan si ruang I nan kan nehsawh ah cun a poi kan ti lo. Nain nan theihding cu khrihfa kan si nak hi kan kaltak lai lo. Kan thih zongah zesuh Pathian min in kan thi lai, kan dam zong ah a mah min tho tho in kan dam lai. Nan duh ning in kan cungah thil sual nan tuah kho ti lai lo, khrihfa kan dihlak in kan lung a rual ve cang tiah, mipi cu an au khuang ve cang.
Muslim mipi hna hmai ah tihlo bak in khrihfa mipi hna cu an duhlo nak an langhtar ve cang. Thih zong an tih ti lo. A chan cu an tuar nak can a sau tuk cang I, kan thih zong ah khrih min in pei kan thi ko lai cu, an duh le kan thah hna seh an ti I, khupi chung ah an duhlo nak an langhtar ve cang hna.
Khrihfa headmaster an thah nak a sual lam cu, Pakistan muslim ram ah khrihfa asi mi nih, kan cung ah um a um an ti, mah ruangah bia fak fak in an ti hnu ah an vuak nak asi. Headmaster rian in na bang lai maw tiah, an hrocer lengmang tawn, nain a leh duh hna lo, a donghnak ah cun, muslim hna nih an vuak i headmaster rian in an bang.
Hi kong hi polices hna sin zongah report le complaint tuah asi ko nain, polices hna cu an nih a chuak men, atu cu official education department nih, theihding in ca pek an si cang. Hi kongah hin education department nih zei tindah bia a khiah te hnga theih asi rihlo. Khrihfa kan si bantuk in thlacam tu in bawm cio hna usih.
Leave a Reply