Khin Oo ah dalan silai tiah ruahmi pafa hna an thah hna

Khin Oo ah dalan silai tiah ruahmi pafa hna an thah hna,Palae zong ah dalan tiah ruahmi pakhat nam in an thah

Sagaing ramthen Shwebo pengkomh,Khin Oo peng, Yuatan khua ah dalan thawngpe tu silai tiah ruahmi pafa hna pahnih thah an si tiah khuami hna sin in theih a si.

Sagaing ramthen Shwebo pengkomh, Khin Oo peng Yuatan khua ah pyusawthi phu hna he i pehtlai in mipi umnak inn cu a chim i dalan a si lai tiah ruahmi Phoe Pya(kum-40) hrawng le a fapa Chit Oo(kum-24) hna cu August 2,zaan suimilam 11 ah,an um nak inn ah meithal in an kah hna,cun thah a tong mi Phoe Pya nupi Khin Moe Myint zong meithal in an kah caah hliam a tuar tiah theih a si.

“Yuatan khua ah ralhrang nih luhhnawh in hnahnawhnak an pek hna hi voi 10 a si cang, Yuatan khua ah dalan tiah ruah in an thah mi hna hi minung 3 an si cang. Khin Oo peng chung zong ah dalan an thah mi hna hi minung 15 an si cang” tiah khuami pakhat nih achim.

Palae peng Cawngwin khua ah ralhrang sin ah thawngpetu tiah ruahmi U Myint Tan zong August 2, zaanlei suimilam 6 luan ah nam in an tuk caah a thi tiah thawngzamhnak ah an langhter.

The Chin Post

Be the first to comment

Leave a Reply

Your email address will not be published.


*