SAC Ralhrang Nih Mipi Ralkap PDF Thuam I Hruk Riangmang In Mipi Inn An Khangh Hrawh Piak Hna
Sagaing ramthen, Ye Oo pengchung chungah SAC ralhrang nih kahthah mi mi ruak (10) hmuh chap a sinak kong cu , Ye Oo PDF sinin theih a si. Ye Oo PDF phu hna nih nizaan ah khan miruak 19 an hmuh i, pehzulhin an kawl tthan caah tuni May 13 ah miruak pa 10 an hmuh chap tiah theih a si.
Ye Oo pengkulh kahddohnak ah SAC ralhrang le mipi ralkap kahdohnak ah Mipi hmunhimtu ralkap phu Ye ralkap phuin minung pahnih an nunnak a liam i, Sagaing ramthen mipi ralkap in minung pakhat a nunnak a liam tiah theih asi. Cu pinah Mai Tan khua phan mi ,
SAC ralhrang pawl cu Ye Oo mipi ralkap hna an thuam an i hruk riang mang i, PDF angki thuam cu an i hruk i PDF a si bantuk in an i umter in mipi an hlen hna i, a pawngkam khuate hna cu SAC ralhrang nih an hrawh kan khangh nak kong cu Ye Oo (pah Kah phah) nih ralringnak cathanh a chuah tiah theih a si.
Sagaing ramtthen, YeeOo peng MonDaingPin ( မုံတိုင်ပင်) khua mi 30 hrawng SAC ralkap nih an thah hna tiah khua mi hna sin in theih a si. SAC ralkap hna cu May 10 ah Yee Oo peng, Mon Daing Pin(မုံတိုင်ပင်) khua ah inn an duah pin ah meikangh mi khua mi ruak 17 le kuanhma in a thimi ruak 2 hmuh an si tiah an chim. Nihin May 13 zinglei ah Mon DaingPin khua ah meikhangh in thah a tongmi hna ruak hmuh chap a si tiah YeeOo PDF nih an chim. SAC ralkap nih Mondaingpin khua mi hi 40 hrawng an tlaih hna i 30 hrawng an ruak hmuh a si cang, a dang an kawl cuahmah hna ”
Inn chungah sualnak ngeilo mizapi ruak cu hmuh an si, Cheukhat cu tikhor chungah an hlawnh hna i a cungah facang zi tehna an buk chih i an duah hna, An thi hna cu vawlei an chilh hna i An ruak hna cu inn chungah an chiah hna i mei an duah chih hna tiah theih a si. PDF uniform an hruk hna i PDF kan thah hna tiah an langhter. Cheukhat inn ah cun minung 2 khua an sak nak hna ah ruak 6 hna a si ” tiah khuami hna nih an chim.
Nawlngeihnak Lak Hnu Ni 466 Chung Ah Minung 1835 Nunnak A Liam Cang! AAPP nih May 12 tiang cathanh a chuah ning ah Myanmar ramchung huap in SAC ralkap nih nawlngeihnak a lak ni 466 chung ah sualnak ngei lo minung 1835 thah an si cang, tiah theih a si. Tlaihkhih a tongmi dihlak hi 13,672 an si i, tlaih ding in nawlchuah a tong mi 1977 an si. SAC ralkap nih mi nunnak a lak mi hna chung ah Yagon in nunnak a liam mi tambik an si.
Relchap, KIA Brigade 4, Battalion 8 Namphatka tualchuang Ho Nuang khualu ah May 12 zanlei Sml5:00 hrawng ah SAC ralkap le KIA karlak kahdohnak chuak. Kut Khaing in a rak kai mi SAC ralkap Brigade 99 kuttang SAC ralkap hna cu HoNaung ( ဟူနောင်) khualu ah rallam an sial i KIA he hmaitonh kahdohnak a chuak tiah theih a si.
Kahdohnak a chuahnak hmun ah SAC ralkap 5 hrawng an thi i KutKhiang ah a um mi SAC ralkap hna nih kahdohnak a chuah nak hmun cu hriamngan in an kah hna tiah khuami pakhat nih a chim May 11 zanlei Sml 4:00 hrawng zongah KIA Brigade 9 battalion 26 tualchung Namawbom in ke in a ra mi SAC ralkap thazaang 100 hrawng a si mi rallam cu KIA nih an kah hna SAC ralkap 2 an thi i 4 hliam an tuar.
Leave a Reply