2022 May 16 – Sagaing ramṭhen, Karenni peng, Hmantaung pura tlang ah a ummi PDF sakhaan pakhat cu May 15 zaanlei sml 3:00pm hrawngah SAC ralkap nih an rak kah hna i mipi hriamtlai phu pawl nih an rak kham ve hna caah kahdohnak a chuak i SAC ralkap pawl an zaam tiah Dictatorship Revolution People’s Army (DRPA) nih a thanh. Cu kahdohnak ah SAC ralkap lei in a thimi an um le um lo cu a fiang in theih a si rih lo nain kahdohnak chungah nu ralkap 30 hrawng an i tel tiah DRPA sin in theih a si. Cu kahdohnak ah DRPA, Bamahti phu, KGF, Kya tungphaw, mipi hriamtlai phu hna fonh in an kham hna hi a si tiah theih a si.
Cu bantuk in, Chin ramkulh, Falam peng, Falam-Kalay lam cungah SAC ralkap mawṭaw 26 le tank 2 cu CNDF nih bom an puah hnawh lengmang hna caah a thimi an tam. Kahdohnak a dih hnu ah CNDF nih zohfelnak an ngeih lio zongah nu thilrii cheukhat hmuh a si tiah CNDF sin in theih a si.crd-the chinland post.
Magway ramṭhen, Htilin peng Yemyatni(ရေမျက်နီ) khua kam um Phaya Kusu Cesalaung(ဘုရားကိုးဆူကျေးစလောင်း) tlang, SAC ralkap 30 hrawng umnak camp cu May 15 ah Htilin-PDF (YRPA)/KKG/PRA le Nah Pa Ta(န.ပ.တ) fonhkomh phu hna nih kan kah hna caah SAC ralkap 15 hrawng an thi, tiah Htilin-PDF nih cathanh an chuah. May 15 zing sml 5:30 in 7:00 tiang kan i kap. Nah Pa Ta phu nih Drone in an kah hna. SAC ralkap nih 40 mm le Sniper in an kah kah ko nain kanmah lei a thimi le aa hliammi kan um lo, tiah Htilin-PDF nih an langhter.
Cu kahdohnak a dih in a tlungmi PDF pawl cu khuami hna nih lunglawm tein an don hna. Ṭhi le pangpar an oih hna i ti le rawl cu khim tein an pek hna, tiah theih a si. Credit; The Chin Post
Thawngdang Relchap>>>><<<< Falam- Kalay lam cungah SAC ralkap mawṭaw thluan bom puah hnawh an ton caah a thimi an tam. The Chinland Post | 2022 May 16 – Tank 2 le mawṭaw 26 aa telmi SAC mawṭaw cu Chin ramkulh, Falam in Kalay lei ah 2022 May 9 in an ṭum cang. Cu mawṭaw thluan cu, May 9 mengtung 63 pawngkam ah an i dinh hnu ah an ke in hmunhma zohfelnak an ngeih lioah CNDF nih bom an puah hnawh hna caah a thimi an tam. Cu SAC ralkap a thimi ruak pawl cu Parte khua inn he an khangh chih hna tiah CNO/CNDF nih May 14 ah a thanh. SAC ralkap pawl cu, cu hmun in an i thawh ṭhan i mengtung 55 hrawngah bom an i pah ṭhan caah a thimi le hliam a tuarmi an tam tiah theih a si.
Cu lamcung ṭhiamṭhiam i mengtung 45 pawngkam hrawngah CNDF nih bom an puah hnawh ṭhan hna caah 4 an thi i aa hliammi an tam. SAC ralkap pawl cu ramlak lei in an i thawh ṭhan lioah CNDF nih hmanhmi bom an i lamh sual caah a thimi an tam. SAC ralkap nih an tuah tawn ningkhel tein a thimi an hawile ruak pawl cu Zonglei khua mipi inn hna he an khangh chih ṭhan. Mengtung 63 le mengtung 45 karlak cu CNDF nih hmunhma zohfelnak an ngei i, MA kuan 120, 60 MM kuan 1, kuan bawm 1 an fim khawh lengah nu pawl thilrii hna an hmuh caah mawṭaw chungah ralkap nu pawl an i tel kho men tiah ruahdamh a si. Kahdohnak vialte chungah, SAC ralkap 12 an thi lai i hliamhma a tuarmi 15 hrawng an si tlai tiah CNDF thawngthanhnak in theih a si.
Cu caah 3 in 1 phu caah a herh mi thilri an si i, icon zong thazang khamnak a si. Cu caah hraimnam pawl cu kan si khawh chungin khawn kan i zuam. Mipi bomhnak thawngin hi thil hi kan ngah khawh mi a si.” tiah Three In One phu in pakhat nih a chim.
Bomhnak an kan peek tu mipi cung zong ah kan i lom tuk. Bomhnak nan kan peek mi hi mah le thatnak caah hman loin dohthlennak ca lawngah thazaang chuah mi kan hman lai ti zong in a chim.
Leave a Reply