SAEAN Special Palai Nih Myanmar Ram Bomhnak Kan Peek Lai
Myanmar ram ah a um mi, Kaya, Kayin, Sagaing telin hmunhma ram pathum cu minung zawnruahnak in bomhnak kan peek lai tiah Myanmar kongkau he pehtlai in, ASEAN Special Palai ramdang vuanci Prak Sokhonn nih a chim. May thla ni 6, Cambodia ram, Phnom Penh khuapi ah tuah mi,
Myanmra ram sinah ASEAN i, Minung Zawnruahnak in dirh mi nih bomhnak peek khawh nak hnga ding ah tonbiaruahnak ( (Consultative Meeting on ASEAN Humanitarian Assistance to Myanmar) hnu ah Prak Sokhonn nih a chim tiah a mah i, thawng hlat pawl sin in theih a si.
” Mi nung zawn ruah bomnak peek khawhnak nawl kongah SAC ralhrang lei nih an cohlang ko lai tiah lungtling cia mi a si bantuk in bomhnak peek nak cungah hnahnawhnak um loin peek ding zongah lungtlin a si cang. Bomhnak peek nak kong ah khamnak pawl tampi kan tong ko nain, thanchonak tu a um ko” tiah tonbiaruahnak a dih hnu ah thawnghlat tu hna nih an chim tiah theih a si. Mah bomhnak peek hnga ding Kawlram chungah a um mi Kaya, Kayin le Sagain tram tthen chung harnak a tong mi le kahdoh a chuak biknak ram ah a si lai tiah theih a si.
Relchap , Nihin 2022 May ni 7 ah Kalay khua peng tlanglei ah aum mi TinThar khua cu ralhrang nih an luh hnawh hna khuami azaam kho lo mi hna cu SAC ralhrang nih an tlaih hna i mipi rungventu phu PDF chungtel an inn cu ah hal cuahmah hna tiah thawngtheih asi. Cun ralhrang phu khat asi rih mi hna zongnih Thinthar khua chak lei ah aum mi Kyaukphuu khua cu an luhhnawh ve hna i thilri tampi phorh dingah Myuakkhinyaing,Kokkar, Hantharwaddi in motor hna zong an rak ra cuahmah tiah Chin land defense force – Kalay Kabaw Gangaw (battaklion 4) sinin thawngtheih asi.
Nihin May 7 zinglei ah SAC ralkap hna cu an motor he khual tlawn an i thawknak ah CDF Mindat nih zing suimilam 8 le cheu in 9 tiang mine bomb hna hmangin an phomh cuahmah hna i athi mi le hliam atuar mi tampi an um lai tiah ruah asi. SAC ralhrang hna nih Mile 40 khua mipi inn hna cu mei an khangh piak rih hna taih CDF mindat sinin thawngtheih asi.
Falam peng kahdohnak chung ah biatak tein thazang achuah ngai mi hna ralhrang hna cu nizan May 6 cu Falam khua lungpi sang( ahlan Rialti khua) ah an riah tiah theih asi. Nihin May 7 zinglei ah Falam khua lei panh dingin an khualtlawnnak cu an pehzulh i meithal zong pehtlai in an puak peng hlei ah nizan Thal khuain an rak chuak lio ah Mine bomb in phomh an tong tizong theih chap asi
Relchap, Nihin chung bak i kan chin ralkap rthatha minung 12 an nunnak a liam ko hi cu lung a fak taktak. An nih cu an neih mi nunnak pakhat bak ram caah an pek cang. Zeitluk in dah an chungkhat an unau an nule an pa nih an hei ui hna lai mu. Mino lawngte chinchap.
Ral kan thawh chung cu kan thi thluahmah rih a hau ko lai. Ramchung mirum nih nan chawva tampi bawmh an herh ti cu chim hau loin kan hngalh. Cun ram leng khuasa kan unau hna nih zeitluk in dah bawmh an herh chinchin ti cu a fiang ko.
Kan ralkap an thih bik nak pakhat hi kan hriamnam a chiat tuk caah a si ko. Kawl ralkap ttih nung mi hriam thatha aa tlaih mi hna Laimeithal le Auto tlawm te i kah cu kan thi lo tuk leh cu mu. Ram leng nih mawh chiat loin hriam thatha kan herh tuk hi fak deuh in kan ruah piak ulaw a tha tuk ko hnga.
A tu ning in ral kan tuk peng ko rih a si ahcun kan pasaltha tampi an pam rih lai i kan miphun hi kan ttah caan a sau ko lai. Tunai Tlangzar kahdohnak ah Kan pasaltha minung 10 bak an nunnak a liam, Gangaw peng kahdohnak ah Kan Pasaltha CNA ralkap 2 an nunnak aliam fawn. Ni 2 chung ah kan ralkap minung 12 kan nunnak aliam mi hi kan phun nih fakpi in kan ruah hna a herh ko cang.
Raltuknak ah zeitluk in dah kan hriamnam a biapit ti micu kan theih tuk cio mi a si ko. Kan miphun in ral kan tho i, kan neih mi um ek in kan chuah a hau. Sasaing ram then hna ah cun an mirum pawl nih an inn le lo an zuar piak hna i an miphun ralkap hriamnam an cawk piak hna an dirpi cang hna.
Leave a Reply