Khah! Min Aung Hliang Nih Nan Duh Lo Ah Cun A Ti Bak Cang Ko Hih!!

Min Aung Hliang Nih Rampi Thimnak Tuah A Si Lo Ah Cun Mipi Nawl Ngeihnak Nan Sung Dih Lai

=========================
kum 2023 ah Rampi thimnak Tuah a si lo ah cun mipi nih mipi nawl ngeinak sungh a si lai nak kong, a ra lai mi rampi thimnak ah PR hmangin tuah a si lai nak kong an chim Min Aung Hliang nih a chim.. SAC ralhrang lutlai Min Aung Hliang nih, ” A tu ah rampi daihnak ngah khawh nak hnga ding caah kan mah lei in ram daihnak tonbiaruahnak tuah in ceihhmainak ngeih hnu ah, a tang mi phu hna zong he pehzulh in ceihhmainak ngeih a herh nak kong,

Rampi thimnak ngeih khawh nak hnga ding caah ram pumpi daihnak a herh nak kong, Rampi thimnak tuah khawh a si lo ah cun kawlram mipi hna nih mipi nawl ngeihnak sungh a si lai nak kong, cu caah rampi thimnak cu (Genersl Election) timi he aa khat in ram pumpi in tuah khawh a herh.” tiah June thla ni 8 ah Min Aung Hliang nih a chim.

Cu kong he pehtlai in NPNS nih, ” SAC ralhrang nih tuah hnga ding rampi thimnak cu နည်းသဏ္ဍာန်ပေါင်းစုံ in, a phun phun in le kan thih hlan lo kan doh lai tiah DPNS nih tuni June thla ni 10 ah cathanh a chuah. Mah cathanh ah cun hramhram in uknak a laatu SAC ralhrang lei nih kum 2023 August thlah rampi thimnak kan tuah tthan lai tiah an chim ii timhlamhnak an thawk cang nak kong zong an chim tiah theih a si.

DPNS nih, ” kan mah lei thzaang in phung ning loin uknak aa laa mi SAC ralhrang cu cohlanlo lawng hmnah si loin an mah nih an peek mi rian rampi thimnak Commission le an mah nih an tuah hnga ding rampi thimnak zong zeitin hman in kan cohlang kho hrimhrim lo.” tiah cathnah an langhter.

Hringtu A Nu Kum 74 Tluk Kum Upa Cu A Fapa Nih A Thah!: Tathon(သထုံ) ah thluaklei tlamtlinlonak a ngeimi pa nih amah hringtu nu, kum 74 tluk kum upa cu vaituhmui in a tuk caah a nunnam a liam i, cun a fapa zong a nunnak a liam ve tiah theih a si. Mon ramkulh Tathon(သထုံ) peng Gyine(ဂျိုင်း) khua ah a ummi Myint Swe kum 50 cu June 9, zinglei suimilam 1:00 hrawng ah a aukhuan thawng innpa nih an theih caah an luhhnawh hna i, an nufa in an ruak in phawh hna, tiah mit hmutu khuami nih an chim.

Myint Swe cu thluak lei damlonak ngeimi a si caah inn a um zong ah hriṭem chih hau mi a si. Cu thil a can lio ah cun U Myint Swe cu a zawtnak a puang i, a aukhuang, a hringtu nu Daw Ngwe Yin cu vaituhmui in a tuk tiah mit hmutu nih an chim. AgyinNa Ṭuailat (အကြင်နာတွဲလက်) mibawmchantu phu nih a nu ruak an fimhlawm lio ah a fapa Myint Swe cu ruahlopi in a nunnak a liam ve tiah an chim. Thihloh a chuaknak kong he pehtlai in tualchung palik sakhan nih hlathlainak an tuah tiah theih a si.

Inn Khanghpiak A Tongmi Khua Mipi Nih Myine PDF Sinah Sui Le Phaisa An Hlut: Magwe ramṭhen Myine pengchung khua hna cu SAC ralkap nih an inn le lo an khanghpiak hna nain, dohthlennak ding ca ah sui le phaisa cu Myine PDF sinah an hlut tiah theih a si. Myine pengchung ah inn khanghpiak a tongmi khua hnih in mizapi nih PDF sinah an ngeih chun sui le phaisa an rak pekchanh, tiah Myine PDF in Bo Latya nih a chim.

“Ralkap nih inn an khanghpiakmi hna khua in mizapi nih lung ṭhawng ngai in an kan dirpi, an kan bawmh, an suitumbul hna cu phawih in an kan hlut. kan nih lei zong nih an i dornak ah an herhmi thing le rua tibantuk kan laak piak ve hna,” tiah PDF in ṭuanvo ngeitu nih cun a chim. Khuami mipi nih an hlutmi sui le thilri hna cu sing 77 in kan zuar i, phaisa an kan hlutmi he cun a dihlak ah mmk sing 89 hrawng kan hmuh,” tiah a chim.

Magwe ramthen, Yezakyo peng, Sin Pyo Shin hlei SAC ralkap Gate cu PDF nih June 9 ah an kah i SAC ralkap 3 an thi 1 a nung in an tlaih, hriamnam tam ngai an lak tiah mizapi vengtu ralkap – Yezakyo nih cathanh an chuah. Hi hlei gate kahnak ah cun, Yezakyo PDF , Myaing PDF, SaLingyi ( Salingyi Special Task Force ) hna an i bawm i nihin May 10 chun Sml 12:00 hrawng ah an lak khawh.Cu kahdohnak ah SAC ralkap 3 an thi , 1 a nung in an tlaih, SAC ralkap tampi an hliamhma he an zaam. G-3( 4,), Ushi ( အူစီ ) – 3, hriamngan 1 le kuan 1000, Cycle 1 kan lak khawh i sakhan cu mei man khangh tiah an langhter.

Tanintharyi ramtthen, Mata, Wakone khua in meng 23 hlatnak hmun check-gate pawng ah Eastern Defense Force ralkap 2 kahthah an tong tiah theih asi. Mizapi vengtu ralkap phu pakhat a si a si mi Eastern Defense Force phu chungtel hna cu Dawei – HtiKhi( ထီးခီး) lampi cung um Mata( မတျတော )khuapi, WahKone khua ah June 9 zanlei sang ah mawtaw, Cycle hna an chek hna lio in SAC ralkap Intelligence hlun a si mi hna nih meithal in an kah hna ruang ah a tu bantuk in an nunnak liam hi a si.

” PDF phu hna nih a tlungkal mi mawtaw hna cu an chek lio ah Dawei lei in Vigo mawtaw in a ra mi SAC ralkap hna nih an rak khah hna. Intelligence hlun cheukhat hna an i tel tiah theih a si ” tiah PDF phu he neiniam mi pakhat nih a chim. A nunnak liam mi hna cu Eastern Defense Force phu chungtel Ko Gyi Win le Pyi Pyi Lay hna an si tiah Eastern Defense Force nih cathanh a chuah. Media hna nih an langhter ning ah cun Eastern Defense Force phu chungtel Ko Gyi Win le Pyi Pyi Lay hna meithal a kap tu hi SAC ralkap Intelligence hlun U Nyi Nyi Thein ti mi a si i Kyauk May Taung khua ah a um mi a si tiah an langhter.

Post Views: 46

Khah! Min Aung Hliang Nih Nan Duh Lo Ah Cun A Ti Bak Cang Ko Hih!!

Be the first to comment

Leave a Reply Cancel reply