Khah; Min Aung Hlaing nih Suu Kyi a tapeh pawl cu a dawt deuh tuk cang ko hna hih!!

Nwatogyi Ah NLD Party Chungtel 4 Telh In Minung 6 Tlaih An Tong I A Zaan Ah A Thah Colh Hna
============
Mandalay ramṭhen, Myinchain pengkomh, Nwatogyi pengchung ah tualchung mi minung 6 cu December 6, zaan ah tlaih an ton hnu ah thah an tong, an ruak zong an hlonh hna tiah Myinchain mizapi cawlcanghnak committee nih cathanh an chuah.

Tlaihkhih le thah a tongmi hna cu Nwatogyi peng Minyua khua in pa 6 an si i NLD party chungtel 4 an i tel tiah theih a si. Thah a tongmi hna cu U Kyaw Saung(kum 63), U Khin Maung Sein(kum 63), Ko Min Zaw, Ko Han Tin(kum 42), Ko Soe Paing(kum 37) le Maung Aung Ko Min(kum 17) hna an si.

U Kyaw Saung, U Khin Maung Sein, Ko Zaw le Ko Han Tin hna cu NLD party chungtel an si tiah Taungta peng mizapi cawlcanghnak committee nih an langhter.

Namsam Ah TNLA Le SAC Kar Kahdohnak A Fak SAC Nih Vanlawng An Hmanthan., Shan ram ,chak lei Taaung (palawng)hmunram chung Namsam myo-ne Human / Manlung (Banlone)khua lei ah TNLA le SAC kar kahdohnak a um tiah theih a si. Nihin chunhnu Sml 2:00 hnu in SAC nih helicopter (5) hrawng in Human le Manlung khua lei cu thazaang a chap i TNLA phu he an i kahdohnak kong TNLA ralbawi Ta Aih Kyaw nih thanlwinkhit ah a chim.

Chunhnu Sml 4 hnu in SAC nih kahdohnak achuah nak hmun hna cu helikopter in bomb a thlak leng ah Sml 5 pm hnu in Namsam khuachung in hriamngan voi(4) reng lo an thlah tiah a chimchap. Zanlei Sml 6 pm tiang kahdohnak an ngol rih lo tiah theih a si.

Mawngmakan Palik Sakhan Le Pyusawhtee Sakhan Tukdoh An Si, Dawei peng longlone myonay um, Mawngmakan palik sakhan le Pyusawhtee sakhan cu tukdoh an si nak le ralhrang a thi mi an tamnak kong Dawei Guerrilla Revolutionary Force -DGR nih nihin ah an thanh.

Hi tukdohnak hi Dawei Guerrilla Revolutionary Force – DGR(Dawei pah-kah-phah)၊ TPDF၊ Dawei Dafence Team- DDT tatkhuai(3)၊ Special Comando phu ၊ Dawei Dragon PDF B-1 i bawm in an tuah mi a si.

Intai Khua Cu SAC Meikhangh Nak Tuar In Hnarcheu A Ciam, Sagaing ram then,Kyunhlah peng Intai khua cu SAC nih mei in an khangh caah hnarcheutluk a ciamdih tiah Kanbalu a cawlcanglio mi phu nih an thanh.

Dec-6 ni zing ah SAC kee ralkap (B-361)le pyusawhtee fonh in (200) hrawng a si mi ralhrang rual nih Intai khuachung cu hriamngan kah pah in an luhhnawh hna hnu ah chun hnu Sml 3 hnu in meikhangh nak an tuah tiah theih a si. Indai khua hi inn (270) a um mi khua a si i,inn (143) a ciam tiah vawlei lei thawng thanh nak in theih a si.

SAC ralsernak ruang ah cu ka khuami le a pawngkam khua mi thongreng lo ral an zam i ,Hi ralser mi SAC rual hi nihin zing Sml 8:00 ah khua cu chuah tak in Taphanseih Sinsuai sakhan an phan tiah theih a si. SAC nih khua chung ah mine an hmanh tak hna caah khua mi cu kirthiam rih lo in ramtang ah tlam i ser in an um ko hna tiah theih chih a si.

Hpapun Peng SAC Sakhan (3) Voi Khat Ah Tukdoh An Si Ralhrang A Thi Mi An Tam , Kayin ramkulh,Hpapun peng chung um SAC tatsakhan pathum chu voi khat te ah KNLA le FFD Drone ralkap phu hna nih an tukdoh hna i ralhrang tam ngai an thi tiah KNU/KNLA thawnglak nak in theih a si tiah khitthit nih a tar langh .

Dec -6 ni zing Sml 5:00 ah Kayin ram Hpapun peng chung um SAC tatsakhan (3) a si mi Letoo / Ngiatakhukyo le Khawpoh sakhan hna cu KNU/KNLA B-5 le an tantii phu hna nih kalhnawh in an tukdoh hna tiah theih a si.

Nizan zing Sml 6:00 ah Ngiatakhukyo sakhan cu fim a si i ralhrang a thi mi an tam hriamthil zong fimtawl chih a si mizapi ralkap lei (2) nih ramle miphun caah an nun nak an pek than tiah KNU he ai naihniam mi thawnglak nak nih an fehter tiah theib cu a si. SAC i Letoo sakhan le Khawpoh sakhan zong cu tukdoh chih an si i hi tukdohnak ah KNU/KNLA hna he tiah FFD Drone phu cu biatak te in an tang tiah theih a si.

South Korea zukcawl Zoh Ruangah North Korea Nih Ngakchia Pahnih Mipi Hmai Ah An Thah Hna, South Korea zukcawl an zoh ruang le an zuar ruangah ngakchia pahnih cu North Korea cozah nih mipi hmai ah a thah hna tiah MyanmaPlatform nih a langhter.

Thah a tongmi hngakchia pahnih cu kum 16 le 17 hrawng an si i an pahnih in a luancia Tho(October) thla ah Taluk ramri Hyesan khua vanlawng ground pakhat ah mipi hna hmai ah meithal in an khah hna hi a si. North Korea nih hin ramdang zukcawl zoh a kham i South Korea zukcawl pakhat khat a zuar a si ahcun ngakchia kumtling lo an si zong ah thah khawh an si tiah theih a si.

Thihdaan Pekmi Hein Htet A Pa Aan!, Thihdaan pekmi ah aa tel ve mi Hein Htet i a pa nih, ”tampi hal kaa tim lo, hi thihdaan in a luat ah cun kaa lungsak ko lai. Kum saupi a va si zong ah i hnemh khawh deuh a si, ruahchannak zong a um deuh. Thihdaan pi hi cu ruahchannak a dong ko,” tiah RFA nih bia an halnak ah a chim.

Hi dantatnak hi a tlari (fair) lo tiah a chim chap. Yangon, North Dogon um Kaba Yatana Bank manager ralbawi hlun Saw Moe Win nan thah timi sualpuhnak in November 30 lio ah SAC ralhrang nih thihdaan pek ding in bia khiah piakmi siangngakchia minung 7 lak ah Hein Htet hi aa tel ve. Hein Htet hi North Dagon University in degree a laak hnu in Korea ram i rianṭuan ding ah camipuai a awng cangmi a si.

Moesu (မိုဆိုရွာ) Khua Ah Mipi A Bupi In A That-tu SAC Ralhrang Hna Kan Tlaih Hna Tiah KNDF Nih Thanh, Karen ramkulh, Moesu khua ah December 24, 2021 i mipi a bu in a rak that-tu ah aa tel ve mi ralhrang တပ်မ (၆၆) tang um khah-ma-yah (108) chung in minung 4 cu Karenni mipi veengtu KNDF nih kan tlaih hna tiah thawng an thanh.

Hi ralhrang kut tang minung 4 hna cu bia an hal hna tik ah Moesu khua i mipi thah nawnnak ah hin တပ်မ (၆၆) kut-tang um khah-ma-yah (108) in an i telnak kong an phuan tiah theih a si. Hi thahnawnnak hi a luan cia kum December 24 lio ah Karen ramkulh, Moesu khua ah a cangmi a rak si i mipi 35 nak tlawm lo mei in an rak khangh hna.

Be the first to comment

Leave a Reply

Your email address will not be published.


*