Yangon Dohtlennak A Tuahttu Phufonh 14 Hna Nih Yangon UG Association An Dirh
Yangon Ramthen Ah Phu 14 Fonh In Yangon UG Association (YUA) Dirh A Si! Yangon ramṭhen chung ah dohthlennak a tuahtu underground revolution force phu 14 i fonh in Yangon UG Association (YUA) dirh a si, tiah Pyauk Kyar Revolutionary Force nih an thanh. SAC le a dirhkamhtu hna cu an hram cah tiang doh ding le federal democracy hmuh khawh nak ding, CDMer pawl nih an ngeih mi inn le lo a himnak hnga zohkhenh in kan kilkawi khawh nakhnga nihin May 3 ah Yangon UG Association (YUA) cu kan dirh cang, tiah an thanh. “Hmunkhat teah lungrual tein ral kan tukṭi ahcun caan tawite chung ah teinak kan hmuh lai,” tiah Yangon Urban Guerrillas (YUG) phufonh dirh mi kong ah Pyauk Kyar Revolutionary Force chungtel pakhat nih a chim.
Yangon UG Association(YUA) ah aa fonh mi chungtel hna cu Wolf Warriors STF(WWSTF), God’s Hand Forces(GHF), Thongwa Youth Force (TYF), Kyauktan PDF)K-PDF), Thanlyin Dragon Force (TL Dragon), Scorpion Forces Underground (SFU), Bahan’s Guerrilla Force (B-PDF), Secret Underground Force (S.U.F-Kyauktan), Human Rights Defenders (HRD), Generation Z Defense Force & Supply Army Force(GZDF), Burma Final Revolution Army Forces (BFRAF), duh-yu-ya-ngi-naung pyohcia phu(ဒို့ရိုးရာညီနောင်ပျောက်ကြား) (DYY), Special Nway Oo (SNO) le Thaketa’s Urban Guerrilla Force (TUGF) hna an si. Underground revolution force phu 14 hna nih SAC a hram cah tiang kan doh khawh nak ding le federal democracy hmu kho ding in kan ṭuanṭi khawh nakhnga Yangon UG Association (YUA) phu kan dirh nak hi a si, tiah dohthlennak a tuahtu tangrual phu nih an chim.
Relchap, Hitler cu Jewish miphun in a ra mi, a rak chuak mi a sinak kong cu Russia ramkhel vuanci Sergei Lavrov nih a chim mi cu Israel nih May thla nihnih ah duhlonak thanhnak a tuah i, Nazi meikangnak i, tih anung tuk mi ngeihthiam khawh lo mi a si tiah lehnak a tuah. Lavrov nih mah bia a chim mi cu nitlak lei ram hruaitu hna nih fakpiiin duhlonak an langhter i, Ukraine president Zelensky nih ” Russia nih a cvoihnih nak ralpi lio i, cawnnak pawl cu a philh cang ko ti ta ” tiah a ti.
” Mah tiin mi hlennak hi Jewish miphun pawl kahdoh, thah an rak ton lio tuanbia ah tih a nung tuk mi, a tu ah mah tiin chim dingin timhlamhnak an ngeih mi a si lai” tiah Israel vuanci choh nih a chim. ” Mei khang a rak tongmi jweish miphun pawl cu raamkhel timhlamhnak ngeiin chimrelnak cu ngol colh ding a si.” ti zongin a chim chap.
Leave a Reply