Khah! India Nih A Keh Lei Maw Aa Thim Lai A Orh Lei Dah?

Ukraine- Russia Buainak Ah Duh Thim Awk A Ngei Mi India

Russia-Ukraine buainak ah zei lei kap in a dir lai timi duhthim nak a ngei mi India. India cu Russia le Ukraine buainak kong ah , a tu ah zei lei hmanh a dir rih lo mi ram pakhat a si. Mah duhthim nak zong ah thazaang pek ngai mi a si.

India cu Russia he raltuknak lei in tuanvo a la ti mi an si bantuk in Ukraine cu thazaang a pe mi bomhnak a pe mi American he zong aa kom taktak mi an si.

UN ah Russia i kahdohnak ruangah Vote an thlak cio hna i, a si nain India cu vote pek tanpi ding thimnak vote a thla lo i a ngeih tu in ngeih hna ding ah biachah nak a tuah.

Mah dirkam nak cu caan sau deuh cun a sinpi lo mi a si caah, a tu ah cun India uktu Modi cu kap khat lei duhthim ngeih ding ah American le Russia heh chat tiah thazaang an pek tiah theih a si.

Mah dirhmun hi India caah cun a fawi lo tuk mi a si. Iindia himnak thilkuat 50% cu Russia lei in a ra mi a si. Hlan deuh zong ah India le Russia cu vawleicung ramkhel buainak lei ah hmunkhat in a tangti mi an rak si.

A si nian India cu ramri a si mi China nih tlerh khawnnak tamtuk ruangah American he i hoikomh nak an karh chin chin mi an si. Mah dirhmun ruang ah mah buainak ah pakhat i thim loin biachah nak a tuah kha a si.

A sinain American nih cun Russia dirpi lo in Ukraine dirpi nak vote a pekĀ  caah India zong nih duh le duh lo zongah Ukraine le Russia pakhat khat i thim dirpi ding ah thazaang an pek. A duh le duh lo zong ah Russia le Ukraine ah ram khat cu i thim ding a si.

Poland cung lei ralvennak i raluk nak van lawng cu Ukraine ram ah va thlah khawh nak hnga ding caah Ameriican cozah nih biatak tein tonbiaruah nak a ngei. Poland cung lei ralvennak i Russia serchuah MiG-29 cu Ukraine ram ah kuat khawh nak ding caah,

Tonbiaruahnak ngeih nak kong cu American raltuknak lei in tuanvo ngei tu minung pali hna nih Politico ah hmaithlak in an chim. Ukraien president nih Ukraine ram ah no-fly zone biachah ding aa ning cang lo hmanh ah raltuk nak vanlawng pawl bomh dingah NATO hoikom hna sin ah a nawl.

Poland cu Russia serchuah raltuknak hriamnam pawl a hmang mi a si caah Russia ser MIG-29 cu Ukraine ram ah kuat khawh dingah American nih ceihhmai nak a ngeih hi a si. A tak ah Poland nih Ukraine cu MiG-29 akuat khawh a si ah cun American cun mah nak in a sang deuh mi hriam nam pawl a kuat khawh lai tiah hal ruah mi zong a um.

Poland, Bulgaria , Eastern Europe le Slovakia ram pawl cu Russia serchuah hriamnam tampi a ngei mi an si. An zaapiin Ukraine ram cu bomh an duh ko nain American sinin a rannak in athar a sa kan thu piak than hna lai timi biakam zong an herh.

Russia ral a si lio ah NATO phu European ram pawl hna nih Ukraine cu Tanks, Anti-tank missiles pawl, Vanlawng kahnak Shoulder launchers pawl zong an bomh ko nain raltuknak vanlawng pawl kuat timi kong cu a buaithlak i a har tuk mi zong a si.

Be the first to comment

Leave a Reply

Your email address will not be published.


*