Karen Ramkulh Myawaddy le Warlay kar Plado khua kam ah KNLA phufawnh le SAC Ralhrang hna kaohdohnak a chuah i Ralhrang 6 an thi tiah Cobra military nih cathanh an chuah. Myawaddy le warlay kar Plado khua kam ah a rak rami SAC Ralhrang hna cu chun ah mipilei phufawnh hna nih an kah hna i Sniper in an kah hna caah Ralhrang lei a tlawm lei 6 an thah hna tiah cathanh an chuah.

Myawaddy le Kawkareik, Myawaddy le Warlay kar ah KNU nih umkal lo ding a ti ko nain Motor umkal an um i tuni kahdohnak hmun SAC Ralhrang le Mipi phufawnh kar ah khuazei kal nak thei ti lo in a um caah kahdohnak ruang ah Motor cu a kang tiah mipi pakhat sin in kan theih.Crd:Khit Thit Media

Zeiruang Adah Kan DL Hlun Hi Kan Mang Ah Kan Manh Tawn Hna. Mang ah darling hlun kong hmanh timi hi cu (Relationship) i piat /then kaa ah manh mi mang phunkhat a si. Na darling hlun he nan rak ipehtleih tluk tein na mang ah na manh lai i philh nak a um ruaNg zong ah a si kho.

Aa duh mi nungak tlangval ruahlopi in an ithen tik ah an mang ah an manh deuh hna i caan saupi tiang an manh tawn hna. Darling hlun le mang manh nak kong hi fiangte le tlingtein Atanglei ahhin tlawmpal kan vun langh ter

A mah He Pehtlai in thil pakhat khat kha na hung ngai tawn: Na darling hlun cung ah na philh khawh lo nak a thiltuah mi tete ti bantuk a um si ahcun na mang ah na manh ko lai.Tahchun nak ah an rak inuamhter ,an rak dawt tuk ti phun pawl,

A tak tak ti ahcun mah bantuk hi cu na darling hlun nih na cung ah dawtnak in a tuahser mi kha na ngeih a si i a mah a mipum cu na ngailo timi hi theih ding a si. Mah tik ah nangmah lei nih na cung i adawtnak in a rak tuahser mi ruang ah na komh than lai ma. Hmai tu ah dah na kal lai timi hi thate ruah a herh.

Nan rak i duh lio kha na ngei theo tawn. Na mang ah na darling he nan kut isihbu in lam nan kal, nan i nuamtuk ti bantuk pawl in na mang ah na manh si ahcun na darling kha na ngeih silo in nan rak i duh lio caan tu kha na ngeih bia asi.

Mah ruang ah na darling hlun na ngeih ruang silo in nangmah lawng na si cang i na umhar na lilen tik ah duhdawt mi, mi pakhat na herh caah a si. Mah hi cu a phung a si ko ruang ah ningzah ding zong a um lo .Nain darling ngeih lo umhar ruang ah na darling hlun he i komhthan ti cu that lei nak in chiat lei a tam deuh.

A dih rih lo mi thil pakhat khat a um ruang ah: I piat timi hi nan pahnih kar pehtleih nak a cat tinak a si lo, Na mang ah na darling hlun na manh nak cu a mah he nan i pehtleih nak a dih rih lo ruang /na rak chimh manh lo mi bia na ngeihchiat nak a um ruang ah a si. Chim na duh mi bia pawl kha ruat than law a mah na chimh zong ah siseh cauk chung ah na tial zong siseh na intuar mi a dam deuh lai.

A mah na ngai. A cung lei bik ah kan chim cang bantuk in darling hlun mang manh nak kong ah 75% tluk hi cu darling hlun ngeih ruang ah manh mi a silo. Nan i piat nak zong sau rih lo na lung chung teah na hlam peng rih ko si ahcun a cung ah na duhdawt nak a umrih ti a hngal i pehtleih than nak ding zong na zuam ko hnga.

Ruahlo le ruahlo ah na hei manh caan zong um ko lai Mang timi cu tonmi paoh in manh a si ko, Mah leng a fiang mi cu um ti lo. Na Ex kong zong na manh khawh i na zuatmi chizawh kong zong na manh khawh ko. A zungzal manh ti silo in voikhat voihnih hrawng manh ti bantuk cu tahchunnak ah Facebook chung in darling a ngei hnga ma tiah zohpiak tiphun /nan ei tawnnak piza dawr va phanh tiphun pawl hi kan thluak chung ah a um i mah ruang ah kan mang in kan manh nak a si.

Mah ruang ah darling hlun kong mangmanh timi hi thinphang ngai a si ko nain darling hlun kong mang a manh mi tam deuh cu i pehtlei than duh ruang ah a silo kha theih zungzal law na hmailei tu ah tlung tein kal ko.