Khah!! CJDC Hi Min Aung Hlaing Bantuk An Si!

CJDC ZongaMin Aung Hlaing Ana Bantuk An Si

Mara Miphunnih kan ser mi phung maw kan zulh lai . Dr. Sasa Le Pu Htet Ni phung suai mi dah kan zulh lai tiah an upa pakhat nih fiang hlang tein a chim. Cun CDF Mara Le Mara army kan hrawh i MDF kan dirh hihi CJDC nih an kan pom lo CDF Mara lawng an pom. Hi a duh lo tu zong hi CNF kan upa a si ko. Kan theih dih.

Mara mipi nih kan lung tling mi MDF a si i Hihi mipi nih kan cohlang mi a si. Hi tawlrelnak ah Mra ram in khua 50 leng nih kan kai i kan lung a tling mi a si. Mah hihi CNF nih an hruai mi hna CJDC nih cun an pom ko nain pumpak pakhat CNF lei nih an pom lo i an thah. A ngaingai tiah ahcun hihi a cang nak hi CJDC zongah Min Aung Hlaing Ana bantuk an hman caah a si.

Mara mipi nih phung kan i suai mi maw a biapi deuh lai. Pu Htet Ni Le Dr, Sasa an mah pahnih suai mi dah kan zulh deuh lai. CDF Mara hi minung tlawm te lawng an si i Pu Htet Ni Le Dr. Sasa a zul tu an si. Kan nih cu Min Aung hlaing doh ah a thawh mi kan si ve ko tung mah hihi cu an chim ning hi a dik lo mi a si.

Relchap, Sagaing ramṭhen, Salingyi (ဆားလင်းကြီး) peng, Ngawngpingyi in a chuak mi SAC ralkap motor 3 cu Dawngmin(ဒေါင်းမင်း) phu nih pa-de-ta bomb lung 12 in an puahhnawh hna caah a thi mi le hliamhma tuar an tam, tiah tualchung hriamtlai phu hna nih an thanh. SAC ralkap pawl bomb puahhnawh an ton hi nihin May 11, zinglei suimilam 8:00 hrawng a si i, an motor 3 cu tualchung hriamtlai phu pawl nih bomb an hmanh mi an i lamh caah a thi mi zong an tam, sinain ralkap zeizat dah an thih cu fiang tein kan thei rih lo, tiah Chindwin Yoemah (ချင်းတွင်းရိုးမ) phufonh nih an thanh.

“Nizan le nihin zinglei ah SAC ralkap a thi mi hi 20-30 kar cu an si lai,” tiah Yinmapin tualchung hriamtlai pah-kah-phah phu chungtel pakhat nih a chim. May 10 zaan, Pale kahdohnak ah SAC ralkap nih motor 7 an thlah hna i, cu motor hna cu tualchung hriamtlai phufonh nih pa-de-ta bomb lung 8 an puahhnawh hna caah motor 3 a rawk i, a zat fiang te chim loin ralkap zeimawzat an thih kong an thanh fawn.

𝐌𝐚𝐭𝐮𝐩𝐢 𝐀𝐡 𝐏𝐚 𝐏𝐚𝐤𝐡𝐚𝐭 𝐀 𝐋𝐮 𝐈 𝐇𝐥𝐢𝐚𝐦𝐡𝐦𝐚 𝐇𝐞 𝐀 𝐈𝐧𝐧𝐜𝐡𝐮𝐧𝐠 𝐈𝐡𝐧𝐚𝐤 𝐀𝐡 𝐀 𝐑𝐮𝐚𝐤 𝐇𝐦𝐮𝐡 𝐀 𝐒𝐢!, Chin ramkulh, Matupi khuachung Sanbawng sang ah um mi Mang Lian cu nihin May 11, zinglei ah a umnak innchung ihnak cung ah a ruak in hmuh a si, tiah sangchung um mi hna nih an chim. A Nunnak a liam mi Mang Lian cu Matupi khuachung Sanbawng sang ah a umlio mi, Matupi peng, Vankai khua mi a si tiah theih a si. Kum 40 hrawng mi, nupi ngei lo mi a si, tiah theih a si. Mang Lian thihnak kong he pehtlai in palik sin theihternak tuah mi a um rih lo, atutiang ah chekhlatnak tuah zong a um rih lo, tiah sangchung um mi pakhat nih cun a chim.

SAC ralhrang lei in a theipar (tangka an hmuh nak) a si mi company 56 cu Burma Campaign UK phu hna nih min ngei lo ( a Mi Piat) cazin ah a chiah cang hna tiah theih a si. Burma Campaign Uk phu nih min ngeilo a chiah mi, SAC ralhrang he pehtlainak ngei lo dingin a chiah mi company ni 172 an si cang tiah theih a si.

Mah  SAC ralhrang he aa pehtlaimi company hna nih SAC ralhrang caah hriamnam a si lo ah a dangdang thilri pawl a bomtu an si caah a tubantuk in Min ngei lo company cazin ah kan chiah hna mi hi a si tiah Burma Campagin Uk phu nih a langhter.

SAC ralhrang ralkap lei caah hmanmi tangka a si loah hriamnamk sersiamnak dingah a bommi vawleiccung ram pumpi company hna cu pehzulh in alnghter an si lai i, miphun cihmihnak, uknak laak hna le hngakchia pawk tlaihhrem nak pawl a tuah mi phu le chawlehnak lei in pehtlaihnak an ngeih mi hi cohlan ding an si lo tiah Burma Campaign UK phu nih theihternak a tuah.

American, Japan le South Korean hna nih SAC ralhrang ralkap pawl hraimnam zawrh lo dingah phihkhamnak an tuah ko nain an mah i company hna nih Russia le India ram hna ah hriamnam cawh khawh nak hnga ding caah riantuannak an ngeih tiah Burma Campaign UK  in Mark Farmaner nih a chim.