Khah, Chin Mipi Kan I Ralhring Tuk Bak A Hau Cang Hih

Myanmar Le India Gate Zohfelnak Kan Tuah Cang Lai

Myanmar ram in india ram ah phunglut lo thilri lutmi a tam tuk caah may 1 thok in India – Myanmar ramri gate cu sml 24 chung cheknak zohdelnal kan tuah cang lai tiah mara zatlang bu nih April 27 ah cathanh an chuah. 2021 February 1 ah kawl ralkap nih mizapi nawlngeinak cu hramhram in an kan chuh, cun ruang ah kawl miphun pawl zong an duh lo nak an langhter , zung riantuan nak in an chuak , CDM an tuah hna i hrian tiang an tlai ve . Uknak an lak caah mizapi cu an inn le lo an chuah tak hna i India (Mara) leiah an rak zaam i kannih nih miphun , biaknak thleihdannak um loin kan si khawh chung in kan zohkhenh hna tiah an langhter .

Sihmanhsehlaw ramri gate in zu, rithaisi le phunglut lo thilri hna cu an rak luhpi lengmang caah kan lung a ṭha hrim lo. Hiti an rak luhpi caah kan ram chungah sualnak a tuahmi an tam i harnak kan tong. Kan zatlang bu le kan umnak hmunram a hnorsuangtu hriamthil zong voi thum kan tlaih cang, India cozah nih a onh lomi cu kamanh zong nih kan onh ve lo.

Cucaah 2022 May 1 thok in MTP General Headquarters (Siaha) le MSO General Headquarters (Siaha) i fonh in Sub-Headquarters hna le Branch dang hna he ramri gate a simi Siasi, Chapi, Zyhno, Laki, Khaikhy, Lobo cu nikhat chung cheknak kan tuah cang lai, tiah cathanh an chuah. Ramri gate ah phunglut lo thilri nan luhpi ahcun kan zatlang phung ning in biaceih nan si lai, tiah an telhchih.

C

Thawngdang, Nizan April 27 ah SAC ralkap 100 hrawng cu Kalay peng thlanglei Ashihshi khua ah rallam an sial i, zing sml 8:30 hrawng ah Ashihshi khua in chaklei ah PDF (Kalay) ၊ CDF (KKG) ၊ RKDF le Pah Kah Phah ṭtangrual phu hna nih an kah hna caah zan aml 7:00 tiang hrawng kahdohnak a fak, Kahdohnak kong relkhap; Ralhrang ralkap 15 hrawng an thi i, MA 2 meithal zun khat, 0.95 meithal zun hnih, 5.56 meithal kuan 80, 0.95 meithal kuan 200, MA 2 meithal kuan bawm pakhat, 0.95 meithal kuan bawm pathum cu ṭangrual PDF nih an chuh hna.PDF- Kalay in pahnih, RKDF in pahnih, an dihlak pali hliamhma an pu, tiah theih a si.

Kalay Technological University(TU) in thlanglei ah SAC ralkap 30 hrawng cu rallam an rak sial i, PDF – Kalay nih Thayakung le Ṭhohcianh khua karah an kah hna i SAC ralkap 3 an thi, Kalay TU leiah ralhrang ralkap pawl cu an kir, tiah PDF-Kalay nih cathanh an chuah.ralhrang ralkap pawl cu chun sml 2:00 hrawng ah Kalay peng thlanglei Yeshin khua ah, thazaang 100 hrawng in rallam an sial lio ah PDF -Kalay nih bomb in an puah hna i ceilak an thi kho, tiah an langhter chih.

Concert Kong relchap; Aizawl Vanapa Hall ah Charity Concert For IDPs tuah a si lai, A ra lai mi April 30, 2022 zaan suimilam 7 ah Aizawl Vanapa Hall-ah US hram bunh ”Hope For Tomorrow” tthithruainak in Mizoram ralzaam hna caah Charity Concert For IDPs tuah a si lai!

Mizo hlasak thiam, K.Lalthlamuankimi, Francis, Maruati, Angaihtei le Marina Varte pinah Salai Ruatte le tulio a lar ngai mi Shin Bia te pawl nih hlasak nak in caan an hman lai. Hi concert ah hin donation tangka bawm kutkhar hram ah dawnh a si lai i, ram leng le concert nak i a kal kho ve lo mi caah Gpay le Zelle hmang in donation phaisa hi kuat khawh a si te lai.