Conor McGregor nih cun Khabib Nurmagomedov he kan i thuat than a si ah cun cei lak in ka phomh cang lai tiah a chim pin ah, Russian fighter nih hin i thuat than a tih cang tiah a chim.
Kum hnih liam cang mi ah khan Irish fighter Conor McGegor cu UFC 229 ah Russian fighter Khabib Nurmagomedov nih round 4 ah a tei i, mah hnu ah khan buainak a chuak colh i, caan saupi chung cu an pahnih in an hrem hna.
Conor McGregor nih cun Khabib he i thuat than a duh i, an pahnih in an i thuat than khawh nak ding lam a kawl lio a si.
Kum 32 i upa mi McGregor nih cun Khabib he kan i thuat than a si ah cun zei poh te a dang viar cang lai, a voihnihnak ah cun Khabib hi cei lak in ka phomh cang lai tiah a chim pin ah Russian fighter nih hin i thuat than a tih cang tiah a chim.
McGregor nih, “kan pahnih in i thuat than hi a tih in ka thei i, cucu thil fiang cia a si.
“Ka tei lo zan kha amah caah cun a cawlcangh nih a tha cem ni a si lai, kei ka caah cun ka cawlcangh ning a that lo cem ni a si ve tiah a chim. mah bantuk dirhmun ah kan um ti cu amah zong nih a theih ve ko.
UFC 254 ah kan theih cio bantuk in Khabib nih Justin Gaethje a tei hnu ah MMA in ka din cang lai tiah mitthli tla bu te in a chim. a chim ning bantuk in van kir than cu a tim ti lo hrimhrim. Asinain zeihmanh hi chim khawh a si lo i Conor McGregor he i thua dingin a van kir than lai mw ti cu chim khawh a si lo.
Leave a Reply