Kawthaung khuapi,  A Lin Yawng Private Middle School Ah Kai Mi Kum 4 Hngakchia Cu Saya Pa Nih Hmunphiah In Fual Dihlak A Tuk (+PhotoS)

Kawthaung khuapi,  A Lin Yawng Private Middle School Ah Kai Mi Kum 4 Hngakchia Cu Saya Pa Nih Hmunphiah In Fual Dihlak A Tuk

Kawthaung khuapi, Bochoh Lam ah a um mi A Lin Yawng Private Middle School ah a kai mi kum hngakchia pa te cu an tuk nak hi zoh hmanh ah a fual bak fual dihlak in an tuk ko hih.

A nu nih” ka fa te cu holh zong a thiam tuk rih lo caah , a hoi hngakchia he an um ti cun holh zong a thiam deuh lai ka ti i, privatte sianginn ah ka chiah mi a si.” tiah a ti.

A kum a hngakchia tuk rih caah Mu-cu ah ka chiah mi a si. Kum tling rih lo mi, Mah hngakchia pate a tuk tu pa, an saya nih a chim nak in an chim tthan mi cu, ” mah hngakchia pa te cu a tah ruangah ah innthianhnak (hmunphiah)  in ka tuk mi a si.” tiah a chim tiin theih a si. Mah hngakchia pa hi kum 4 le thlahnih lawng a si rih mi a si. Zei tluk in dah a nu a lungfah lai.

Mah kaa sianginn ah a um mi Saya/ma te hi minung thinlung sinak an ngei hnga lo maw. Tih nungtuk bak khi an si ko hna. Mi nung zawnruahnak an ngei hnga lo maw. Mah hngakchia pa te a nu nih ” Mah ka fa kum tling lo hmunphiah in a tu uk tu Saya/ma hna cu tazacuai ka cuai hna lai. Sakhan ah siseh, sizung ah siseh hlethlainak ka tuah dih cang tiah a chim. Crd-Chel Chel

Relchap, Chinland Mindat peng, Matupi-Mindat Kar ah SAC Ralkap mawṭaw run cu, nihin May 9 ah Bomb voihnih kan puah hnawh hna i SAC Ralkap 30 leng an thi, tiah CDF Mindat nih cathanh an chuah. Mindat- Matupi kar mengtung 25 nak ah zing suimilam 11 in zanlei sml 1 tiang kahdohnak a chuak, cun hmundang ah Bomb voihnih kan puah hnawh ṭhan hna i SAC Ralkap 30 leng an thi, hliamtuar zong an tam, tiah an cathanh chung ah cun an langhter. SAC ralkap he kahdohnak hi zarhkhat leng a rau cang, cucaah CDF-Mindat kan ralkap ral hmaikal mi caah bawmhnak an herh ko, tiah an cathanh ah cun an ṭial chih.

Thailand-Myanmar ramri Mae Sot peng ah Myanmar reporter cheukhat cu Thai palek nih an tlaih hna caah an zaam hna, tiah reporter pakhat nih Ayeyawady ah a chim. Reporter cheukhat cu Myanmar ram a him lo ruangah i dor ding in Thailand a phan mi an si hna i, sinain Thai palek nih cun an rak tlaih hna, tiah reporter pakhat nih cun a chim. Atu zong ah reporter cheukhat le an chungkhar hna cu a himnak hmun phan kho lo in an zaam lio a si i, an zaamnak hmun ah i khawng deng in hliamhma a pu mi zong an um, tiah theih a si.

SAC kuttang ah media rianṭuan hna cu tlaih an si i, an nunnak kong ah ṭhihphaih an ton caah Thailand-Myanmar ramri, India-Myanmar ramri le tlang cung hriam tlai phu umnak hmun cheukhat ah zaam in an i dor hna. SAC nih uknak an lak hnu in media rianṭuantu minung 200 leng cu tlaih an tong cang i, minung 3 cu SAC kut an um lio ah an nunnak a liam.

Thailand ram, Chiang Mai khuapi ah Myanmar mi Thailand ram um hna tawlrelnak in ‘Market for Myanmar’ phaisa kawlnak cu May 7 ah tuah a si i, kawl rawl le Myanmar ram um tlangchung mi eidin rawl hna zong zuar a si. Market for Myanmar in hmuh mi phaisa pawl cu Myanmar ralzaam hna bawmhnak pek ding in timhtuah a si i, phaisa kawlnak ah hin a dihlak ah $ 6,000 leng an hmuh, tiah theih a si.

“Tlamtling tein puai kan tuah khawh, thazaang a kan petu zong an tam, thil kan zuar mi zong kan manh ngai. Phaisa kan hmuh mi hi IDP (ralzaam) camp ah a dang tein bawmhnak pek kan i tim,” tiah phaisa kawlnak tawlreltu nih an chim. Phaisa kawlnak tuahnak ah cun dawr 40 a um i, kawl rawl le Thai rawl zuarnak dawr zong an um lengah kutser mi thilri pawl zong an zuar, tiah theih a si.