Kawlram Mipi Dohthlennak (Civil War) A Chuak Te Kho Men – UN Special Envoy

Tulio Kawlram dirhmun zohah mipi dohthlennak a chuak te men lai tiah Kawlram caah UN lamkaltu Mrs. Christine Schraner Burgener nih online press conference ah a chim.

UN Special Envoy nih Karenni le Chinram ah mipi ralkap le ralhrangbu i kahnak konghe pehtlaih in biahal nak cu “Boruak cu a chia ngai cang, mipi dohthlennak lei ah a mer cang” tiah a leh hna.

Mipi ralkap pawl he pehtlaih in ralhrangbu caah zeitluk in dah tih a nun timi kongah- “A tu dirhmun ah mipi ralkap pawl nih anmah ser mi hriamnam te i tlaih in thazaang nganpi ralhrangbu nih a tuahto ning an celh lo caah anmah i vennak caah an doh mi a si.Mah cungah ramdang pawl zong nih kan theihthiam a hau” tiah Christine Schraner Burgener nih a chim.

Mipi lei ah a dir mi tlangcung hriamtlai pawl zong nih mipi ralkap cu an dirkamh. an bawmh hna caah Civil War a chuah nak hngalo chawnhbiak a hau mi vialte cu chawnh dingah ka zuam lio a si.

ASEAN ton biaruahnak zong thlakhat a liam cang, zeihmanh cawlcanghnak a um rih lo. ASEAN hruaitu hna zong chawnh a hau tiah a ti.

NLD party hrawh ding kong he pehtlaih in “Hramthawk tein timhtuahnak ngeicia in uknak an lak mi a si caah ka khuaruah a har lem lo. Amah belte cu an hrawh taktak a si ahcun mipi dotu an si caah a hohmanh nih an cohlan lai lo tiah Kawlram caah UN lamkaltu nih a chim.

The Chin Post

Be the first to comment

Leave a Reply

Your email address will not be published.


*