Kawlram Buainak Kong He Pehtlai In UN Nih Cathanh A Chuah

Kawlram Buainak He Pehtlai In UN Security Council Nih Cathanh A Chuah

=====================

Kum khat arauh tiangah Kawlram ah acang mi ramkhel buainak ruang ah kan thin aphang tuk tiah UN Security Council nih cathanh a chuah.

Kawlram chungah ralhrang ruang ah inn le lo, khua le ram chuah tak mi an tam chiunchin mi zonghi kan thin aphang tiah cathanh achuah i, Daw Aung San Suu Gyi,

U Win Myint le ramkhel buainak ruangah tlaihmi pawl cu thlah than dih ding zongin alanghter. Mah hlei ah ramkhel buainak lawng si loin covid zawtnak zong an tuar caah,

Kawlram mipi hna caah kan thin aphang  i a bik in Nu, hngakchia le zaang ader mi pawl caah zawn ruahnak bomhnak an herh tuk mi cung zong ah kan lung tha hrimhrim lo.

Kawlram buainak cu phisin nak hmun ah kawlram mipi pawl an saduhthah cu ukpat nak he phisin aherh ti zongin a langh ter chih.

Lak Nak- Myanmar Platform

News Dang, Kawlram buainak cu Kawlram mipi hna nih an duh ningin ASEAN zulhphung phun 5 he akhat in tuanvo lak piak dingah UN Security Council nih ASEAN Special Envoy cu ca a kuat.

Kawlram buainak cu Kawlram mipi hna nih an duh ningin ASEAN zulhphung phun 5 he akhat in tuanvo lak piak dingah UN Security Council nih ASEAN Special Envoy cu ca a kuat.

UN Security Council nih February ni 2 ah cathanh a chuah mi ah Cambodia ram apahnih nak vuanci a si mi,  Ramkhel vuanci zong a si mi Prak Sokhonn cu ASEAN Special Voice in tuanvo pek mi cungah dawn piak bantukin mah tihin ca a kuat nak a si.

Prak Sokhonn cu Cambodia vaunci choh Hun Sen he kawlram ah an kal hnu nikhat January ni 8, Cambodia ram thawnghzamhtu hna he an i ton lio ah Hun Sen le Min Aung Hlaing tonbiaruhnak le an lungtlinh mi a doh tu hna cu kahdohnak a duh mi an si tiah a rak ti.

Yangon hrambunh ramkhel tama pakhat nih ” Hun Sen le Min Aung an lungtlinh mi a doh tu hi ramdang lawng si loin kawl ram zong kan i tel ve. Kan chim ah cun Prak Sokhonn cu kawlram vawlei alamh  hnu nikhat ah,

Kawlram mipi hna cu raldohnak a duh mi an si tiin Min Aung Hlaing lei kam dir in biadawh lo taktak kawlram mipi pawl an kan zomhtlaih a si” tiah a ti. Mah hlei ah Hun Sen nih akhel mi cu Min Aung Hlaing khamhnak dirhkamnak lawng hi a hmai lei ah a kal pi i,

Kawlram mi pawl thatnak cu a thluak chungah achiah lo ruangah Prak Sokhonn nih kawlram buainak ah tuanvo alak mi cung zong ah biakam i seh chih ngai in hnagh ahau ti zongin a chim. Security Council hna i,

An cathanh ah ASEAN Special Voice  lei in Kawlram ah khunrang in va kal in buainak pawl aphi kawl ding, Kawlram buainak chungtel he aa pehtlai mi pawl he tonbiaruah ding le Kawlram chungah aherh bikmi, Mipi zawnruhnak bomhnak pawl tuanvo lak dingin ca akuat nak hi a si.

Laknak- DeltaNewsAgency

Be the first to comment

Leave a Reply

Your email address will not be published.


*