Kawlram Ah Khuapi Bak Ah Kahdohnak Kan Thawk Cang Lai Tiah an Thanh Cang

Myanmar ram cozah hmunpi (capital) a simi Naypyidaw ah tuthla thok in fak piin kahdohnak kan tuah cang lai tiah PDF-Naypyidaw nih Oct 3, tuni ah cathanh an chuah. PDF-Naypyidaw le dothlennak ralkapbu dang hna i bawm in khuachung pikpak kahdohnak (guerilla warfare) phun in Naypyidaw khuapi chung hmunkip ah cawlcangh dingin timhtuahnak an ngeihmi a si. Cucaah mipi nih ralring tein um peng ding, NUG nih a chuahmi kahdohnak hmun zulhphung zulh cio ding le PDF ralkap hna bawmh cio dingin PDF-Naypyidaw nih nawlnak le forhfialnak an tuah fawn. Ref: Khet Thit Media

Oct 1 ah PDF-Naypyidaw le dothlennak ralkapbu dang hna i bawm in Naypyidaw i ralhrang hmunpi pakhat a simi ah bomb an puah i a rawkralmi a tam pah tiah thieh a si. A dang: Oct 3: PDF-Kalay, CNDF Le Ralhrang Kahdohnak Thawngthanh: Oct 3, tuni ah Kalaymyo in chaklei ah a kalmi ralhrang mawtaw le chungkhar mawtaw, a dihlak mawtaw 8 hna cu Kalay GTC pawngah chikhat an dir i lamkam ah bomb an kawl lioah timhcia tein hmanhmi bomb cu PDF Kalay nih an puahhnawh hna.

Ralhrang pakhat a thi, Ralhrang nih cun ruahdamh in an kah len hnuah an cheklei ah an lan i Thayagone khua pawngah PDF Kalay nih an kah than hna. Ralhrang mawtaw pahnih a rawk i ralhrang pathum an thi, tam nawn hliam an tuar. Ralhrang hna cu Siitha khua pawngah an vun i funtom than i a taangmi mawtaw 6 he an lamthluan an peh. Asinain 11:00 am ah Pamunchaung hlei le Aung Chian Tha khua karlak ah PDF Kalay le CNDF nih an kah nolh hna i ralhrang mawtaw 3 le chungkhat mawtaw Parado 1 cu an rawk cikcek.

A chungah a ummi ralhrang 10 nak tlawmlo an thi. PDF Kalay le CNDF hna cu hliamtuar le a thimi um lo tein an i zukphiak kho. Kalay-Gangaw le Kalay-Tamu lam ah zeitik caan paoh ah kahdohnak a um khawh caah ahohmanh mawtaw in tlunkal rih lo dingah PDF Kalay nih ralrin peknak ca an chuah than. By. Salai CP Lian ‚Äč

Be the first to comment

Leave a Reply

Your email address will not be published.


*