Wuntho ah ralhraang thawngpetu dalaan thihnak kong he pehtlai in hlathlai ah a ra mi ralhraang pawl bomb puah an tong i panga an thi, December 15, 2021 Sagaing ramthen, Kawlin pengkomh, Wuntho peng, Kin khua ah ralhraang thawngpetu dalaan pakhat thah a tonnak kong he pehtlai in hlathlai ding ah a ra mi ralhraang pawl cu an kir lei ah bomb puah an tong i,.
Sakhaanhmu tel in panga an thi tiah tualchung mi nih Khit Thit Media ah an chim. Cu ralhraang thwngpetu dalaan tiah ti mi cu December 14 ah khan an thah mi a si. December 15 zing suimilaam 8:00 hrawng ah ralhraang pawl an phan i an hlathlai dih hnu, an kir lei ah bomb puah an ton hi a si. Wuntho khua chung palek sakhaan zong ah meithal puah thawng kan theih tiah tualchung mi pakhat nih a chim. Ref. Khit Thit Media
Myanmar ram nikhat chungah Covid-19 mizaw thar minung 250 le zawtnak aa chawnhmi minung 527,274 an um tiah ralhrang phu kuttang riantuan ngandamnak lei vuanci zung nih December 14 ,zaan ah cathanh a chuah. Checknak an tuahmi hna cu ralhrang uk duhlo in CDM cawlcanghnak a tuahmi sizung,
Laboratory hna telhlo in ralhrang kuttang um ralhrang sizung ah tamdeuh cu checkhlat a si caah zawtnak chawnhning hi zeitluk in a karhkha chimkhawh a si rih lo. Ngandamnak lei vuanci zung nih a thanh ning ah cun a luancia suimilam 24 chung 16155 cu checkhlatnak an tuah i zawtnak hmuhthar mi minung 250 an hmuh caah zawtnak hmuhthar mi hi zatuak in 2.25% an si.
Covid-19 zawtnak in adam than i sizung in a tumnak nawl a ngei cangmi hi minung 357 an si tiah theih a si. Cun Covid zawtnak a chawnh i nunnak a liammi minung 5 he zawtnak ruangah nunnak liammi dihlak hi 19188 an si cang. Myanmar ram cu Asian ram hna chung in Covid-19 zawtnak runvensii chunh hmasa bik ram a si na in,
Atutiang ah Asian ram 10 chung in runvennak sii aa chunmi a tlawmbik zatuak a si tiah Vaccine Tracker cazin ning ah hmuh a si. Vawlei rampi Covid zawtnak phundang simi Omicron zawtnak aa chawnh cangmi hi China, Hawngkong, Japan, South Korea, Thai, Singapore, Malaysia, India, Thirih Lingka, Nipaw, Mawldaith hna telh in ram 76 ah cu zawtnak cu hmuh a si cang tiah theih a si. DVB
Leave a Reply