Sagaing Ramṭhen, Wuntho, Zarhkhat Chung Kahdohnak Ah SAC Ralkap 26 An Thi, Sagaing ramṭhen, Wuntho(ဝန်းသို) peng, Joe Tuang(ဂျိုးတောင်) khua pawng ah PDF phufonh hna le SAC ralkap zarhkhat chung kahdohnak ah SAC ralkap lei in 26 an thi, tiah Kawlin(ကောလင်း) pengkomh PDF Battalion 1 hruaitu nih a chim.
“Wuntho peng, Joe Tuang khua pawng kahdohnak ah SAC ralkap 20 an thi i, tamlakte hliam an tuar. Kahdohnak a chuahnak hmun pawngkam ah khuate khua 6 a um i cu khuate hna cun mipi thong 10 hrawng ral an zaam,” tiah Kawlin pengkomh thawnglatu pakhat nih a chim.
Uknak Laak Hnu In Kaya Ramkulh Ah Inn 1000 Deng An Rawk!, SAC Ralkap nih uknak an laak hnu in Kaya(Karenni) ramkulh chung ah inn 967 an rawk cang, tiah Progressive Karenni People Force (PKPF) nih an thanh. Kahdohnak voi tam tuk a chuaknak hmun Demoso peng ah inn 564, Loikaw ah 108, Hpruso ah inn 39, Phekone ah inn 256 an rawk i, SAC ralkap nih an khangh ruang ah siseh, a cheu cu hriamngan le hriamhme in an kah ruang le vanlawng in bomb an thlak ruang ah a rawk mi an si hna, tiah theih a si.
Atu cazin laak khawh mi inn 967 leng ah hin a dang a rawk mi inn an tampi rih, tiah PKPF nih a langhter. PKPF cazin ning ah uknak laak a si hnu in SAC ralkap nih an kahthah mi minung 247 si cang. SAC ralkap a dohtu hriamtlai phu a si mi KMDF, KA le PDF lei in minung 101 an nunnak a liam ve, tiah atu April thla hramthok ah PKPF nih an thanh. Crd-The Chin Post
Shine ram thlang lei Namh San peng chungah Coh Mee biacehbawi tel in minung pa 9 Palong ralkap ( PSLF/TNLA) nih an tlaih hna tiah theih April ni 19 ah theih a si. TNLA phu hna nih Namh San khuapi peng chungah ritthaisii hlethlai nak an tuah lio ah Coh Mee baiceihtu bawi telin minung pa 9 hna cu lam i tonnak hmun an an tlaih hna tiah theih a si.
Mah an tlaih mi hna pawl kong he pehtlaiin CNI thawngzamh nih TNLA sinah phone in hlettlainak a ngeih ko nain pehhlaih khawh an si lo tiah CNI thawngzamh nih a langhter. Cu pinah Coh Mee biaceihtu tel in minung pa 9 an tlaih mi hna cu SAC ralhrang sinah pehtlainak an ngeih ko hna nain zeihmanh chimphuan mi a um rih lo tiah CNI thawngzamh nih a langhter chap.
A sinain TNLA in mipakhat nih mah an tlaih mi hna kong he pehtlaih in himnak hmun ah kan chiah ko hna tiah Shwe Phi May thawngzamh sinah a chim tiah theih a si. Mah an tlaih mi hna pawl hi biaceihtu a si mi U Maung Maung Aye le anu pi Daw Khin Thay Yi, Biaceihtu Pahnih, Upadi riantuantu pakhat, Catial cazin tlai tu pakhat, Sihni pahnih, junior catial pakhat hna an si tiah Shwe Phi May thawngzamh an a chim.
Namh San khuami pakhat nih biaceihtu telin minung pa 9 an tlaih mi nak kong cu theih a si ko nain a konglam cu fiangfai tein theih khawh an si lo tiah a chim i Thawngfiang le thawng dik taktak cu zeihmanh theih khawh a si rih lo tiah a chim chap.
Leave a Reply