Sagaing Region, khuate pakhat ah cawleng in khual a tlawngmi minung hlei 15 an thah hna tiah , tuzing news nih a chim rih.
Kawl ralkap hna nikhat hnu nikhat a raltha chin lengmang cang. An tluak zong atha chin lengmang cang. Khuate lei ummi an thahdih hnu hna ah, khuapi leiah lut I, mipi cihmih an kan timh cang. India nih le kawl ram ralkap lei ah, a ralkap pawl thlah a timh cang hna faw. Khat lei in china nih kawl ralkap lei ah a tel hawi fawn caah thinphan dailo kan si cang.
Atu ah kawl ralkap nih Rohinya ralzam pawl rampek I, a leiah tangter a timh cang hna fawn. Mipi kan ni ralring taktak a hau. Hmunkhat ah um ti a hau cang. A chan cu, ralkap pawl nih a bupi I um ah cun mi a tong ngam taktak lo. Nain, pakhat panih tete in a vakvai mi cu an thah tluahmanh cang hna.
Tutan zong Chin ram a rak si mi, Sagain khuate pakhat ah minung 15 bak Meithei in an thah hna. Hi hna hi sualnak zong a neilo mi, sualnak zong a tuahlo mi an si. Nain, cawleng in an phurhmi thilri hna kha, mipi caah hriamnam, meithel nan phurh hna, cu mipi tirawl pekding in nan kal tiah an ti hna I, an thilri an chuhdih hnu hna ah, an thahdih hna. Ngaih a chia duh taktak ko.
Leave a Reply