Kawl ralkap ah kan ruah sual hna caah kan kah sualmi a si tiah CDF nih an i phisin len

ranhring khuami Pu Biak Ceu cu zahan kha a nupi he Hakha kalnak lampi ah CDF Hakha nih meithal in an kah i a hmun ah a nunnak a liam. A nupi cu hliamhma a tuar hraw lo. Hakha in an rak tlun pah ah Kawl ralkap nih Hniarlawn Thar ah an tlaih hna i sau nawn bia an hal hna hnu ah zaan lei kha an thlah than hna.

Nain, khualei an vun tlun pah ah CDF nih an kah hna hi a si tiah khuami nih an chim. ‘Kawl ralkap ah kan ruah sual hna caah kan kah sualmi a si tiah CDF nih an i phisin len ko, nain Kawl ralkap cu saikel pakhat lawng in khuate an kal bal lo timi cu CDF nih an theih tukmi a si ko. CDF ah control khawh lomi ngakchia an tam tuk i a poi tuk’ tiah khuami pakhat nih a chim. Rest In Peace, Pu Biak Ceu – Salai Lungthli Tum

Nizan December 17 zinglei ah Japan nitlak lei khuapi pakhat Osaka ah inn a kang i minung 27 an thi, midang 28 hrawng nih hliamhma an pu. Nizan zinglei suimilam 10:30 hrawng ah Osaka fire department le palik nih inn a kangh thawngpang an theih bak in inn kaang hi hmih tim in an zuanhnawh colh.

Hi inn kaang hi inn dot riat a sang mi a si i, a dot linak in aa thawk mi si, tiah theih a si. Palik le meithattu phu nih suimilam pakhat a liam hlan ah an hmih khawh. Inn kaang ah hin minung 27 nunnak a liam i midang 28 nih hliam faak ngai an pu tiah theih a si. Nawlngeitu hna nih cun mei hi hramhram in duahmi a lo tiah, an chim i, mei hi inn dot linak medical clinic in aa thawk tiah ruah si i palik nih hlathlainak an tuah colh. The Chin Post

Be the first to comment

Leave a Reply

Your email address will not be published.


*