Kawl Ralhrang vuak le bengh vial intuar khawh chung i intuar. Kawl Ralhrang nih chuih lamh vial i phunzai ngam lo. Kan thilri tiang firpiak khanghpiak/hrawhpiak minung vialte thah/nawn tlaihhrem i a si khawh chung i intuar. CNA le CDF vial i voikhat kutthlak ruangah a chung ning le a phun ningin kan ṭan kan au khuan hnawh hna hi kan ṭhinh awk a si. CDM tuah duh lo cu Ralhrang lei i rian bawmh a si cu zapi hngalh a si.
CDM a tuahmi paoh Ralhrang nih maisam in an sam hna i an thah hna an tlaih hna. Cu i Ralhrang sinah Cozah chiahru rian ṭuam riangmang i Mipi vengtu ( CDF ) nih CDM ah lut u tiin an forh hna an hroh hna lo ah zeitindah a si khawh lai. Chungkhat cingla nih CDM luh fial khawh ti lomi cu CDF le CNA kut ah voihnak rangin ap kha a ṭha bik ko lo maw? Chimh ngai lo fale cu fungtuk phung a si ko lo maw?
Na tuahmi hi na palh ngol tiah chimh hnu i a ngai lomi fale cu aziah fungtuk lawng a tang ko lo maw? CNA le CDF palhnak phozar hi kan ngol lo ahcun a theipar kan zun te lai. Dik thluahmah in a kho lai lo. An dik lo nak phozar kha i menh tukin i ngeih tuk hlah. Chungkhar chimhhrinnak kha zapi sinah langhter awk a si lo. Kan Miphun vengtu palhnak kha i cinken peng hlah philh cang.
Kawl Ralkap/Ralhrang palhnak le nehnang tu kha a si khawh chungin philh lo i zuam. Nan fale zong ronh dih hna u an chiathrutnak kha an thisa ah lut lakin chim hna u ca. Chungkhat a si pat ai tiin an palh zongah ṭanh a hmangtukmi minung cu Kawl Ralhrang cazin ah rianrang in khumh nan si lai. Rawl ṭhiṭha ei loin ral a do cuahmahmi lak i lahkhah hmanh tlingin a pe ti lomi Ralhrang kuttang ah rianṭuan cu a phung si lo. CDF zongnih fakpi in cu bantuk minung hna cu chimhhrinnak kha ngol hlah u. Crd: Vahui Tlerlung
Chin Miphun Hna Kan Hnu I Kan Aukhuan Len Mi Kan Bia Kha Philh Cawlh Hlah Usih CDF Le CNA Pawl Caah Hin Rianttuan A Har Lai Ning Hi !!Vawleicung ramkip ah hin ramtthen le ramkulh minung,an ram chung cozah sin in an coawk hnga a si mi kan co loh tiruang ah hriamnam a tlai mi um cio a si.Cu hna pawl cu,an minung an tlawmtam in,an phu nih an ngeih mi phung leng in a cawlcaang mi tampi an um cio hna,cubantuk minung,an phung lonh in a cawlcaang mi le rian a ttuan mi pawl cu hruaitu hna nih,.
An phung he aitlaak ning in thil sual a ti tu cu hremnak an tuah i,mipi sinah thawngthanhnak an tuah len mi hi hmuh ding a tlawm ngaingai. A tu lio ah kan miphun chungin hriam a tlai mi hna chungin nizan ah cawlcanghnak dawhcahlo kong kan theih tikah lung a nuam lo ngaingai,a poituk,hi hnu ahcun hibantuk cawlcanghnak ttha lo hi cu um ti hlah selaw a ttha ko hnga i,kut a tuar mi hna zong a poituk kan ti pi cio hna. Thil pakhat belte kan miphun nih kan theih chih awk ah ka duh mi cu.CDM ah luut uh,tiah heh au le khuan cio a si.
HI ti CDM ah luut uh tiah kan au pah ah khan zeibia dah kan chah?CDM,ah a luut duhlo mi cu fiim tawl hna uh,tiah kan chap.Cubantuk in a liamcia caan ah khan pengkip CDF lei nih CDM tuah dingin nawlnak le theihternak kong kha an thanh cang mi kha kan theih cio lai ka zumh.A tu ah,CDM a tuah duhlo mi cungah tleihnak le i velhnak thawng kan theih tikah,kan miphun zeimawzat nih CDF,pawl mawhchiatnak bia le hla tawr le cheeng kan ttial hoi.Hibantuk in mawhchiatnak bia au pi len kan hman mi hi,Miphun ram khel/hriamtlai caah dawnkhaantu pakhat kan si kho.
Na unau,Na sahlawh,na khua mi le na pengtlang mi a si ruangah,kan miphun ramkhel hriamtlai phu hna nih tuah ding le tuah loding an ngeih mi chungin an thanh mi lonh in mipi lei in a cawlcaang mi kan um sual ahcun,ramtang ah hriamnam he miphun le ram caah a ttuan mi hna nih kan mipi nih an phung lonh in CDM hna an luh duh lo ahcun,an i tuk le velh kha hriamtlai pawl an rian cu a si ko.Miphundang lebang ahcun hriamtlai phu pawl nih an phung lonh in a cawlcaang mi an mihun pawl khi,thong kan ngei lo,an ti ko hna.
Hi ti ka ttial tik ah hin,CDF nih an vuak mi hna cungah kai lawm,ka lungtling,i cei hnaseh ka tiduhnak khi a si lo,an velh mi hna le hliam a tuarmi hna,ka tuarpi ve hna,ka ngaih a chiatpi ve ko hna.Thil kalning tu ka chim khi a si.CDF,CNA pawl nih kan miphun le ram caah rian an ttuan ning hi a heihar lai ning hi mak ko lai. Cun,CNA na si ahmaw,CDF,PDF,na si ah maw,miphun caah na ttuan mi hna diknak in na hmai ihngalpi law,phorhlawtnak le i leksuainak men cun i hmaihngal pi hlah.Hriamnam nai ken lio ah,Zuu ding hlah,nai tinhlo mi pi na tuah khawh caah,zu din nai timh ahcun na pawng ah hriamnam chia hlah.Nai suum khawh lo ahcun,pensen la law chuak diam law,kan miphun caah ram khel rian a ttuan mi pawl an him deuh lai.Kai lawm. Tun Duh Thang
Leave a Reply