Chin ramkulh,Matupi peng he a peh mi Mizoram , Lawngtlai pengkomh chungah meithal pakhat he Kawlram minung pa pahnih cu tlaih an si tiah India thawngzamhnak northeast now ah an langhter. Cu tlaih a tong mi Kawlram minung pahnih cu nizaan September 15 ah Mizo ramkulh chaklei India-Myanmar ramri,
Zoechiachoe khuapawng ah Assam ralkap le Mizoram ralkap nih khuaveng checkhlat an tuah nak ah an tlaih hna tiah theih a si. Bawngki tawi hruk in ralhrang ralkap an si lai tiah ruahmi Kawlram minung pahnih hna cu ralhrang phu chuahmi MA phun meithal pakhat, kuan hna le phone pakhat he tlaih an si tiah theih a si. Mizoram he aa pehtlaih mi Chin ramkulh ah,
Hramhram nawlngeihnak la tu ralhrang phu hna le Chin mipi vengtu ralkap phu kar fak ngai kahdohnak a chuah bantukin, CDM tuah in Chin ralkap sin ah a fonhmi ralkap hna cu phaisa pek an si leng ah an humhimnak hmun ah kalter an si tiah Chin mipi vengtu ralkap phu hna nih cathanh an chuah. Chin ramkulh chung ah ralhrang phu in CDM a tuah i Chin mipi vengtu ralkap phu sin ah a fon mi hi minung 100 Leng an si cang tiah theih a si. The Chin Post
Mizoram ah Zofate Gospel Charity for Myanmar an tuah – Myanmar ram buainak ruang ah Mizoram chung ah a zaam mi ralzaam hna le Myanmar ram Zo (Chin) hna chung in COVID-19 zawtnak rai nih a phak mi hna bawmh nakding ah tiin Zofate Gospel Charity for Myanmar cu 2021 September 15 suimilaam 8:00PM ah an tuah. Atu an tuah mi le an hman mi program hi Breakthrough Biliever Ministries le Mizoram chung hlasak thiam minthang hna hruainak in tuah mi a si.
Breakthrough Biliever Ministries President Vanlalsailoa nih, “Chinram chung a ummi kan unau Chinmi hna kahdohnak ruang ah kan ram chung ah tampi an rak zaam. Cun, Tahan hrawng ah COVID-19 in Zo (Chin) mi tampi an tuar ve. Hi hna pawl ca ah tinh in atu concert kan tuah hi a si,” tiah Khonumtung Media ah a chim. Hi Concert ah india Rs.300,000 an hmuh. Cun, SBI Bank account in a lut mi hi an rel rih lo tiah kan theih. TheHakhaPost
Leave a Reply