Kawl Le Tlangcungmi Karah kahdohnak A Cuak Lai
Kawlram ah tlangcung miphun 8 kan um tikha kawlte nih an cohlan duh lo mi, kawl kha ramtthen 7 ah an rak serchom mi nih kawlram miphun karah buainak fakpi a chuahter hi philh lo ah tha. Mah chan cu tutan khuapau dohhthelnnak talah a dih dongh lai zumh a um ngai nain pyitaung an hun phawtzamhmi zoh tikah hlan lio kawlte ngian kha atlau hlei lo, kawl cu number 7 ah an si thiam hoi ko. Ralhrang hi hei tei te hmanh usilaw ramkulh 7 le ramtthen 7 in kalpi timh a si chung cu,tlangcung le kawl kar lakah remnak a leng huarmar hlei lo ding. ( kahdohnak A Chuah Ter Lai)
Cozah tungtlang pi tlai dingah mah le miphun,state cio in palai thlah an si te lai caah kawl miphun pakhat simi kha,vote le nawlngeih duhah miphun 7 tiang an i karh chung cu daihnak taktak aa hlat ko rih hnga dah. Kawlram sersiam aduh taktak nihcun Kachin,Chin,Karen,Shan, Monn,Rakhine, Kayah le kawl ti in miphun 8 ah kawlram hi tthen a hau mi si.
NUG i, Dr Zin Mar Aung an ti maw kha,mah le bang cu democracy tiang khi a kalpi deuh timi an tam. Mahhi lungdongh le hope umlo fawh timi caah post mi silo,miphun 8 min in kan kal kho ahcun kawlram caah zungzal remdaihnak a leng kho cem hnga ti tu kha si. Crd: Salai William Hc
Relchap, Ralzam ka nau le Dap Chuah Camp ii a um mi hna sin ah caan ka va hmang kho ve le Kai lawm tuk! Dap Chuah camp I a um mi hna hi Minung 70 hrawng an Si I atam u cu Mindat, palattwah, Cianta an Si hna. Duh an Nung tuk hna.
Nai hrawng hrang ahcun kan lai hlasak thiam nu lak ahcun a mah le Iang Len Sung hi uar an um bik ko. A tang ah hin Dap Chuah Camp i um mi nghakchia hna he an lam nak video ka thil chih rak zoh hmanh uar um kho tuk eh! Video link zohnak
Relchap- Catial Ka Ngai Cang Tawite in… Atu lio thil cangmi tete tawite in ka vun tial ta ve tuah hna lai. Catial lo naak caan a vun sau i catial zong ka ngai ngamsam cang. Umharphen rel a zuammi hna caah. Nai hrawng cu vawleicung mirum bik Elon Musk bia le hla nih vawlei pi mit le hnakhaw vialte a kan tlaih dih. Aho hmanh nih kan rak ruah bal lomi Twitter pi cu a cawk diam ko. Hi hnu thla khat hnih ahcun a cawkmi aa lim lai tiah zumh a si.
Kan ar dih. Vawlei pi kan authawng aa fun biknak Twitter ngeitu hna an fair loning nih Elon ing an rak puanter ngaingai. Zalong taktak in misual hruaitu cheukhat nih duhning in an tweet lioah American Republican hruaitu upa cheukhat hna cu tweet kho loin an phih thulh hna. President thing Donald Trump hna cu US President pi tweet kho ti lo ding zungzal in a count an phihpiak. Naite ah Elon Musk cu Trump an phihpiaknak kong ah bia an hal. A lehmi hna cu “an phih lo dingmi hrimhrim a si. An palh tuk. Hruh kal sual bia a si” tiah fak ngaiin a ti hna.
‘Ka onpiak than lai’ a ti. Tuan deuh ah Trump zong an hal i Twitter ah na kir ti lai maw tiah an hal i, “ka kir ti lai lo. Truth Social ah ka um cang ko lai a ti hna. Asinain a kir than te ko lai tiah ka zumh. Naite ah Elon nih Party hoih in a dirhmun a langhter than. “Cu hlan ah cun Democratic Party lei deuh ah ka rak um i, President thing Obama zong ka rak vote. Asinain a tu cun Republican Party lei he kaa naih deuh cang tiah a dirhmun a langhter. A ruang cu “kal sual deuh pawl kut ah DP hi a lut tuk cang” tiah a peh chih.
Poilitics tiluan in a siah media tiluan in a siah DP lei kaarhlan hi a chung taktak a theimi hna caah cun thinphang ngai dirhmun ah America ram pi a umter cang. US mirum bik pa zong nih a rumnak le a thil ti khawhnak hmang bak in “fairness” a um than khawhnak hnga biatak tein aa zuammi hmuh khawh a si cang.
Canada zong ah Covid-19 ruangah Vaccine Mandate an rak chuah i Truck mong i khualtlawng pawl nih an rak duh lo. Canada khualipi Ottawa ah rat in duh lonak an rak langhter. Prime Minister Justin Trudeau nih Emergency Act chuah in mipi cu ralkap le rang in an cilter dih hna. Vawlei pi nih mipi zalonnak na cil dih cikcek tiah an thangchiat.
Elon Musk zong aa sum kho lo. “Hitler’ he a tahchun colh. An pomning le an duhning in a chim lomi poah cu namchih le cilchih kha DP hna i kal pining cu a si cang. An kal sual cang tiah an hmuh cang hna. “An pupa hna nih an rak zulhmi lam in an pial cang” tiah Senator Rand Paul nih cun a ti hna.
A pahnihnak ah chim ka duhmi cu Ukraine le Russia kong a si. Tuan ah ka rak chimmi cu Russia nih NATO le US sinah a hal hna bantukin Ukraine cu NATO zong lut lo, Russia zong nih lak loin neutral an um lai tiin an cohlan te lai tiah ka rak zumh. Zeicatiah ahohmanh raltuk le nunnak liam kha kan duhmi a si lo.
Asinain “Ukraine duhthimnak ah kan i thlak lai lo. NATO chungtel sinak cu amah duhthimnak cungah kan hngahter ko lai” tiah an rak leh. Russia nih a rak i timhmi cu ka thihpheihnak hna lai i kan duhmi a cohlanpiak te ko lai tiah an rak ruah.
Asinain an ruahning in lehnak an hmuh lo tikah Ukraine ramri ah khat thup in a ralkap a chiahmi hna taklawng in kir pi than ding cu ningzah seiku khat he timi kha a hmaan ding a si.
Raltuknak ah an lut law.
NATO zong US zong an i palh thanmi cu Ukraine raltuknak kan lut lai lo ti kha dong loin an chim lengmang. Cu nih cun Putin ral a thatter chinchin. Rak dironh taktak hna seh law Russia zong a ningzah hmaimilhnak caah zeimaw tiin hnatlak an tuah kho hnga i nihin a cangmi vialte hi an rak cang hnga lo.
Asinain zalong tuk in Putin caah lam an rak on i atu ahcun Hell chungah Ukraine mipi cu an thlak hna. Thil sining ka theih deuh tikah ka hmuh khawhmi cu NATO le US nih hi ni le caan hi a ra te lai ti rak thei hna seh law a dawh.
Ukraine ralkap training an rak pekmi hna tuanbia hlun zoh tikah a fiang ngaingai. Training lawng rak pek hna loin hriamnam he tangka he khat thup in an bawmh hna.European Parliament hruaitu upa hna cheukhat bia le hla ngaih tikah US an mawhchiat ngai.
Ukraine mipi kut in Russia an tuk ti bantuk an chim pah lengmang. NATO ram pawl hna ca zong ah thil har a um pah tawn.US zulh lo ahcun dirkamhtu tha an ngei fawn lo. US hnu zulh ah le raltuk lengmang a hau fawn. Zei tiang dah hitihin hmailei kaar an hlan te lai ti a zohmi zong an um len hna.
Russia le Ukraine buainak zong hi US idea a si ko tiah zumh a si. An rak i ngiar lengmangmi le an i zuam lengmangmi cu atu hi US caah caan tha bik pakhat a si. Russia zong a der khawh chung in derter i thlak viar zuam dawh a si.
President Joe Biden nih a ti tawn bantuk, “Sanction hi hngak ko rih u, sau pi caah a si lai” a rak ti. US thluak cu kan thei thlu lo i thatnak zong a chuah pi ko lai. Khatlei cun gas, oil le thil man kaining cu lungrawk ngaingai a si ko cang. Atu lio Russia le Ukraine kong hi a fiang ngai rih lo. Russia caah cun sunghzatlak ngaingai thil a si.
An sung ngaingai. Ukraine mipi tuarning le thihning cu chim awk um lo khi a si ko. Chim duhmi cu US saduhthah a tlin ahcun Russia cu a tuar ngamsam te lai. Cun Taluk caah zohchun awktlak ngaingai a si fawn lai.
Taiwan hi lak peng a duh ve i, US nih fekthup in a dir pi peng fawn. Russia nih Ukraine a tei lo i a lak khawh lo ahcun Russia cu kum sau tuk a kuah lai ti a fiang. Taluk nih Taiwan zong lak a zianh taktak lai.
Russia kha a zoh lai i, Russia bantukin ka sung ve sual lai ti kha ruah loin a um kho lai lo.
Russia le Ukraine a tuktermi hna hi Taluk cawnpiaknak caah maw a si lai, a si lo ah NATO – US tuaktak palh dah a si.. Caan nih chim te ko seh! Caan ka ngei ti lo. Crd: Luther Tin Hre
Magwe ramthen, Poh pengkulh Than Poh Kung khua mi Ko Tan Htun Oo cu SAC ralhrang nih PDF phu pawl na bomh hna tiah an ti i February ni 21 ah an rak tlaih i an rak thah mi i, chungkhar hna sinah a ruak cu an pee duh hna lo tiah theih a si. Ko Tan Htun Oo cu inn in a chuah lio ah SAC ralhtrang pawl he ruah lo piin an i tong hna i, SAC ralhrang nih PDF bomtu na si tiah an ti i, an tlai hnu ah taksapure in an hrem hnu ah fak taktak in an thah tiah theih a si.
” Ko Tan Htun Oo an tlaih lio ah Than Poh kung khua ah ralhrang minung 30 hrawng an rak ra. Cu ni ah a mah cu khua leng siangiin cachhimtu hna caah tiseh mawngh piak dingin inn in a chuak, Cu lio ah cun SAC ralhrang pawl nih cun an tlaih. An tlaih nak kong cu SAC ralhrang lei nih an tlaihnak kong thawng an kan thanh i,
Ko Tan Htun Oo cu PDF bomtu tiah SAC ralhrang nih an ti i, an tlaih an hrem hnu ah sakhan lei ah an kal pi. Duakdap in a chungkhar hna nih an zulh colh i, SAC ralhrang nih rak kan zulh hlah tiah an au hnawh hna. Cu hnu ah SAC ralhrang nih tlaih mi mino pakhat a rak chuak i, a mah nih cun Ko Tan Htun Oo cu an hrem nak ah thi lawng te in a khat dih , a nunnak a liam cang tiah a chim. A ruak zong tutiang an kan pee duh lo.”tiah tualchung mi pakhat nih a chim.
Leave a Reply