Thantlang Kan Dirkamh, Phuba Kan Hlam Lai Tiah PDF Mino Hna Nih An Chim Ralhrang phu nih meikhangh in an hrawhmi khua Thantlang mipi hna cu hmunkhat ah kan in dirpi hna, ralhrang phu sin ah phuba kan hlam lai tiah PDF mino hna nih an langhter. – Khit Thit Media
Thantlang inn kaang kong ah CNF Spokesman Salai Htet Ni nawlnak bia.Nun Nak thap in ram caah rian atuan tu kan ralkap bia chim nih mipi thinlung a khuai. Thantlang inn kaang mi kong ah The Hakha Times in mizapi nan sin ah biatawi chim ka duh. Thantlang mizapi hi CNF/A kan dirhka in nihin tiang a kan dirkamhtu le nan thihnak ah kan thi lai, nan pawngte ah kan um peng.
Kan in dirkamh hna, tiah nan kan ti mi bia nan tlinh. Ralhrang nih nawlngeihnak an lak hnu kahdohnak ruang ah nan nunnak le nan innlo tampi ram le miphun caah nan pek fawn. Minung sinak ah tuar a har tuk hringhran mi nan tuar. CNF/A le CDF nih hin thazaang le thluak kan ngeih khawh chung kan cawlcaang ko nain Thantlang kan mizapi le kan Chin mizapi kan in khamh kho rih hna lo. Kan ngaih a chia tuk.
Rak kan ngaithiam rih ko ulaw.. Kan Biakmi Pathian nih hin a kan zoh sawhsawh ko hlah maw, titiang ka lung a a chuak (Pathian nih rak kan ngaithiam hram ko seh). “Hi leiba hi Ralhrang pawl nih a kan cham hlan tiang kan hal lai. Leiba kan cawh peng hna lai.The Hakha Time
Ka chim tawn mi cu, vanchiatnak hi midang ta lawngah ruahding a si lo. Hringtu pale cia nih an hrin cia fanu le an ihpi an sualpi hna kan ti tikah mirang le minak lawngnih an hmang tiah kan ruah tawn. Cucu a si naisai lo. Kan nih Laimi cu kan pawngkam hi aa thup tukmi society a si caah thilsual hrimhrim cu a thuh in kan thuh i ceih i lam dang kawl ding zongah kan ruat lo.
Ka chim duhmi cu kan duh lo zongah hi thil hi kan lakah a tam tuk ve ti khi kan theih bak a hau. Hlathlai nak tuahtu bu khi um hna sehlaw data pawl nih khin a kan lau ter tuk hnga. Cun hi bantuk a hmangmi hna hi an ki a sei hrimhrim lo. Midang bantuk tein khua an sa ve, pulpit cung hna ah thawngṭha an chim ve ti khi kan theih a hua. Cu caah nule nih biatak tein kan fanu le caah ralven piak a herh tuk ti hi kei ka ruah khawhmi cu a si.
Cu ti ka ti tikah sual a tuahtu pa kha sual kan phaw lai lo tinak cu a si fawn lo. Kan fanu le kha an hngakchiat tein naihniam i zuam i hawihom bantuk in biaruah a biapi tuk. Cun thilsual an tuah tikah sik le rak lo a biapi tuk fawn. Kan sik tawn hna a si ahcun kha nih khan a upat tikah thilsual a tonminkha an chim ngam ti lai lo. Hi thil ka chim ahcun ka nu nih a ka sik lai tiah zeihmanh an chim ngam ti lai lo.
Nu phung na hngal te lai timi te hna zong kum 8,9 in cun cawnpiak ding an si cang. Cun nuphung na hngalh hnu ahcun pa he nan ih ṭi tikah fa na pawi kho timi tiang khi chimh an hau. Kan nih Laimi nihcun kha bantuk fale nu cawnpiak kha zer phunphai ah kan ruah. Khakha a si lo. Cun an hngakchiat tein midang nih na hmur, hnar, hnuk le na zun/ek nak an in tongh piak ding a si lo.
An in tonghpiak ahcun na ka chimh lai ti bantuk in cawnpiak an herh. Biadih tiang chim ko ning law nu le cu zanṭim zongah thu hlukmak in i hngilh tuk zong hi kan fanu le caah ṭih a nung kho. Na hngilh karah na vapa nih na fanu a va sualpi khawh ti te hna khi kan tuak a herh. Hi kong hi cauk in ṭial ka tim ko nain,.
Arauh rih lai caah hi kar ah kan fanu le pa zeizat ko dah an mitthli he an nun an hman hnga i minung pakhat tal a khamh kho hna hnga maw ti ruahchannak he dawng khang lo piin ka vun ṭial. A poi nak cu rel seh ti ka duhmi hna nih hin an tel hoi lai lo. Mah hrin cia koko a ihpi ngammi hna hi cu cik piak bak ka duh hna ta. Credit;Lainu Dawtu
Leave a Reply